یاریگا-
یانەی یوڤێنتوسی ئیتاڵی ڕایگەیاند یەكێك لە یاریزانەكانی پەیوەندی بە یانەی گریمۆی بەڕازیلیەوە كرد.
یوڤێنتوس لە بەیاننامەیەكی فەرمیدا لە هەژماری فەرمی خۆیان لە تۆڕی كۆمەڵایەتی تویتەر ڕایگەیاند ” دۆگلاس كۆستا پەیوەندی بە گریمۆی بەڕازیلیەوە كرد بە شێوەی خواستن و تا هاوینی 2022 ”.
كۆستا وەرزی ڕابردوو بەشێوەی خواستن یاری بۆ بایرن میونشن دەكرد و بە جۆرێك بەشداری لە 20 یاریدا كرد لەگەڵ یانە باڤاریەكە.
شایەنی باسە ساڵی 2017 كۆستا بە شێوەی خواستن یاری بۆ یوڤێنتوس كرد كاتێك یاریزانی بایرن میونشن بوو ، دواتر خانمە پیرەكە بە بڕی 40 ملیۆن یۆرۆ یاریزانەكەی گواستوەتەوە.
