یاریگا–
ئێدین هازارد، یاریزانی بەلجیکی یانەی ریال مەدریدی ئیسپانیا بەهۆی پێکانە یەک لەدوایەکەکانی نەیتوانی خزمەتێکی بەرچاوی یانەکەی بکات، بۆیەش یانەکەی ئەم هاوینە دەستبەرداری دەبێت و ناچارە مەدرید جێبێڵێت.
رۆژنامەی وەرزشی مارکای ئیسپانیا بڵاویکردەوە، کارگێری شایانەکان هیچ هیوایەکیان بە یاریزانە بەلجیکیەکەی یانەکەیان نەماوە، بۆیە بریاریانداوە ئەم هاوینە دەستبەرداری بن و لە دوای یاری سبەی بەرامبەر ڤیاریال لە گەڕی کۆتایی ئەم وەرزەی لالیگا، ئەو یانەیە وەڵامی ئۆفەرکانی پێشکەشی دەکرێن دەداتەوە.
هازارد هاوینی 2019 بەرامبەر 115 ملیۆن یۆرۆ پەیوەندی بە ریال مەدریدەوە کرد، بەڵام بەهۆی پێکانە زۆرەکانی تەنها بەشداری 43 یاری لەسەرجەم خوڵ و پاڵەوانتیەکان کرد و پێنج گۆڵ و هەشت ئاسیست بەرهەمەکەی بووە.
