یاریگا–
لوکاس ڤازکێز، یاریزانی ئیسپانی یانەی ریال مەدریدی ئەم وڵاتە لە نوێترین دەرکەوتنیدا باس لە داهاتووی خۆی دەکات و بێ ئاگایی خۆشی لەمبارەوە رادەگەینیت.
یاریزانەکەی شایانەکان بە رۆژنامەی وەرزشی ئاسی وڵاتەکەی گوتووە ” من ئاگادار نیم داهاتووم چۆن دەبێت، بەرێوەبەری کارەکانم راسپاردووە و ئەویش باسترین بریار دەدات، من هەمیشە دڵخۆشم کە یاریزانی یانەی ریال مەدریدم و هەر لە منداڵیەوە خەونەکەم بووە راستی، هەر کاتێکیش ئەو یانەیە جێبێڵم، هەر هاندەریان دەبم و لە ماوەیەکی نزیکیش داهاتووم یەکلایی دەکەمەوە.
ڤازکێز تاوەکو کۆتایی ئەم وەرزە گرێبەستی لەگەڵ یانەکەی هەیە و تاوەکو ئێستاش یانەکەی هیچ هەوڵێکی بۆ نوێکردنەوەی گرێبەستەکەی نەداوە و دەنگۆیەکیش هەیە دوایین وەرزیەتی لەگەڵ یانەکەی.
