یاریگا–
ئانخێل دی ماریا، یاریزانی هەڵبژاردەی ئارجێنتینا و یانەی پاریس سانجێرمانی فەرەنسا لە نوێترین دەرکەوتنیدا باس لە داهاتووی لیۆنێل میسی هاونیشتیمانی و یاریزانی یانەی بارسێلۆنا دەکات.
یاریزانەکەی شازادەکان بە ماڵپەری گۆڵی جیهانی دەڵێت ” لەو کاتەوەی کە یاری دەکەم زۆر شت فێربووم و زۆر یاریزانم بینیوە، پێویستە بڵێم ئەوەی کە لای زۆر تایبەتە لیۆنێل میسیە، چونکە ئەو لە هەسارەیەکی دیکە هاتووە و یاری کردن لە پاڵ ئەو یاریزانە دڵخۆشت دەکات، راستە ئەو گرێبەستی لەگەڵ یانەکەی هەیە و پێویستە رێزی لێ بگیرێت، زۆرجار قسەم لەگەڵ کردووە و لە داهاتویەکی نزیک هەموو شتێک یەکلایی دەبێتەوە ”.
میسی هاوینی داهاتوو گرێبەستەکەی لەگەڵ بارسێلۆنا کۆتایی دێت، تاوەکو ئێستا ئامادەنەبوو گرێبەستەکەی نوێ بکاتەوە، بۆیە دەنگۆیەک هەیە کە پاریس سانجێرمان هەوڵی گواستنەوەی دەدات.