بەرگری و ناوەڕاستی مەدرید لە کێشەدایە
یاریگا-ریاڵ مەدرید تەنها چوار یاریزانی یەدەگی هەیە لە تیپی یەکەم بەر لە یارییەکەی سبەینێی لالیگا بەرامبەر لیڤانتی لە نێو سەرجەم هێڵەکان جگە لە گۆڵپارێز.
هەریەک لە رامۆس، لوکاس، کارڤاخال، ناچۆ، ڤاڵڤێردی و رۆدریگۆ پێکانیان هەیە و ئۆدیگارد و یۆڤیج یش بە خواستن دراون بە ئارسناڵ و ئینتراخت فرانکفورت.
لە هێڵی بەرگریدا ئۆدریۆزۆلا، ڤاران، میلیتاو و مێندی رەنگە یاری بکەن و مارسێلۆش وەک یەدەگ ئامادەبێت، لە هێڵی ناوەڕاست سیانییە هەمیشەییەکە کاسیمیرۆ و کرۆس و مۆدریچ هەن بەڵام ئەگەر پێویست بە گۆڕانکاری بکات ، ئیسکۆ تەنها یاریزانی یەدەگە لەو هێڵەدا.
لە هێڵی پێشەوەدا بارودۆخەکە باشترە و بەنزیمە، هازارد، ئاسێنسیۆ، ماریانۆ و ڤینیسیوس ئامادەن.
بەوەش تیمی یەدەگی یانەکە تەنها لە مارسێلۆ، ئیسکۆ و ڤینیسیوس و ماریانۆ پێکدێن و ئەوانی دیکە بە یاریزانە لاوەکان پڕدەکرێنەوە.
