پۆگبا لەسەر ڕووداوەکەی زڵاتان و لوکاکو قسەی خۆی کرد

یاریگا- پۆڵ پۆگبا لەسەر ڕووداوەکەی نێوان زڵاتان یبراهیمۆڤیچ و ڕۆمیلۆ لوکاکۆ قسەی خۆی کرد کاتێک ئەو دووانە شەوی ڕابردوو لە دێربی میلانکۆ بە ڕووی یەکدا تەقینەوە و، دواتر له میدیا و سۆشیاڵ میدیا وا بڵاو بوویەوە زڵاتان قسەی نەشیاو و زەگەزپەرستی لە دژی هێرشبەرەکەی ئینتەر میلان بەکار هێناوە.

پۆگبا، کە پێشتر لەگەڵ ئیبرا لە یانەی مانچستەر یونایتد هاوتیم بوون، لە تویتێکدا بەرگری لە گۆڵکارەکەی ئەی سی میلان دەکات و دەنووسێت: “زڵاتان ڕەگەزپەرستە؟ ئەو منی زۆر خۆش دەوێ، هەر بۆیە کۆتا کەسێکە وەک کەسێکی ڕەگەزپەرست بیری لێ بکەمەوە! ئەوە چییە، گاڵتە لەگەڵ ئەو شتەی مەکەن!”

Zlatan… racist? 🤨 He loves me too much so he's the last person I'd think of as racist! Come on, don't joke with that one! 🤣

— Paul Pogba (@paulpogba) January 27, 2021

هەر ئەمڕۆ ئەستێرە سویدیەکە لە کاردانەوەی یەکەمیدا سەبارەت بە ڕووداوەکە لە پێگەکانی سۆشیاڵ میدیای خۆیەوە ڕایگەیاند: “لە جیهانی زڵاتاندا ڕەگەزپەرستی جێگەی نابێتەوە. ئێمه هەموومان لە هەمان ڕەگەزیین و هەمووشمان یەکسانین. هەموومان یاریزانین بەڵام هەنێدکمان لەوانیتر باشتر.”