مان سیتی بە نوێکردنەوەیەکی درێژخایەنی گرێبەستەکەی پاداشتی دی بروین دەداتەوە

یاریگا- یانەی مان سیتی بە نیازە بە نوێکردنەوەیەکی درێژ مەودا، گرێبەستی کیڤن دی بروینی یاریزانی نوێ بکاتەوە.

ئەستێرە بەلجیکیەکە هاوینی 2015 له وڵڤسبێرگی ئەڵمانییەوە گواسترایەوە ڕیزەکانی سیتیزنس بە گرێبەستێکی شەش وەرزی و بڕی 55 میلۆن پاوەند وەک گرانترین یاریزانی مێژووی یانەکە و دووەم گرانترین گرێبەستی مێژووی پریمەرلیگ دوای ئانخێل دی ماریا بۆ مانچستەر یونایتد.

بە گوێرەی زانیارییەک کە سەرچاوەکەی رۆژنامەنووسی بەناوبانگ فابریزیۆ ڕۆمانۆیە، مان سیتی نزیکە لە نوێکردنەوەی گرێبەستی دی بروین بۆ ماوەی پێنج وەرزیتر و بە مووچەی هەفتانەی 320 هەزار پاوەند.