دی برۆین داهاتووی خۆی لەگەڵ مانچێستەر سیتی یەكلا دەكاتەوە
یاریگا- كیڤن دی برۆینی بەلجیكی و ئەستێرەی یانەی مانچێستەر سیتی ئینگلیزی داهاتووی خۆی لەگەڵ یانەكەی یەكلا دەكاتەوە.
گرێبەستەكەی دی برۆین لەگەڵ سیتیزن لە حوزەیرانی 2023 بەسەردەچێت ، بەڵام ئیدارەی یانەكە خواستی نوێكردنەوەی گرێبەستەكەی هەیە بۆ ماوەیەكی درێژ.
بەگوێرەی هەواڵێكی پەیامنێری بەناوبانگی سكای سپۆرتس فابریزیۆ ڕۆمانۆ لە ڕێگەی هەژماری تایبەتی خۆی لە توویتەر نووسیوویەتی: دانوستانەكانی نێوان مانچستەر سیتی و دی برۆین بە تەنها و بە بێ هیچ بریكارێك سەبارەت بە نوێكردنەوەی گرێبەستەكەی بە ڕێگەیەكی ڕاستدا دەڕوات و ڕێككەوتنی فەرمی و كۆتایی زۆر نزیكە.
Negotiations between Manchester City and Kevin de Bruyne [himself, no agent involved] on a new contract are going on in the right direction. The feeling around the club is that the agreement is ‘very close’. 🔵 #MCFC #transfers
— Fabrizio Romano (@FabrizioRomano) January 3, 2021
ناوەڕاستكارە بەلجیكیەكە لە هاوینی 2015 لە فۆلفسبۆرگەوە بە بڕی 76 ملیۆن یۆرۆ پەیوەندی بە سیتیزنەوە كرد و لەو كاتەوە تا ئێستا بەشداری لە 239 یاری كردووە لە سەرجەم پاڵەوانیەتیەكان و 59 گۆڵی تۆمار كردووە و 100 گۆڵیشی درووست كردووە.
