کاردانەوەی کریستیانۆ دوای ئەوەی لە باشترین پێکهاتەی مێژوودا ناوی هات

یاریگا- کریستیانۆ ڕۆناڵدۆی ئەفسانەی پورتوگالی دڵخۆشی خۆی پیشان دا لە پاش دانانی لە باشترین پێکهاتەی مێژووی تۆپی پێ.

ڕۆژی دووشەممە ڕۆژنامەی بەناوبانگ “فرانس فوتبۆڵ”ی فەڕەنسی پێکهاتەی باشترین تیمی تۆپی پێی بڵاو کردەوە لە یاریزانی هەموو سەردەمەکان و ناوی دۆن ڕۆناڵدۆی تێدا هاتووە. وەک کاردانەوەیەک بۆ گوزارش کردن لە دڵخۆشیی خۆی بەو ئەوە، گۆڵکارە مێژوویەکەی ئەورووپا و پورتوگال لە فەیسبوکی خۆیەوە نووسیویەتی: “زۆر شانازییمە لە پێکهاتەکەی فرانس فوتبۆڵدام. چ تیمێکە! ئەوانە هەموو جێگەی ڕێز و سەرسامیی منن و جێی شانازییمە لە نێو ئەو یاریزانە خەیاڵیانەدام. سوپاس.”