یاریگا-ئێرلینگ هالاند ئەستێرە و گۆڵکاری یانەی بۆروسیا دۆرتموند باس لە توانا سەرسوڕهێنەرەکانی یوسوفا مۆوکۆکۆی یاریزانی ١٦ ساڵی یانەکەی دەکات
هالاند خۆی وەکو باشترین یاریزانی لاوی جیهان هەڵبژێردرا بەڵام سەرسامە بە لاوە بەرەگەز کامیرۆنییەکە و وتی “پێموایە ئەو بەهرەمەندترین یاریزانی ئێستای جیهانە، ئەنجامدانی یەکەم یاری خۆت لە تەمەنی ١٦ ساڵ و یەک رۆژدا سەرسوڕهێنەرە! پێم وایە کاروانێکی وەرزشی گەورە چاوەڕێی دەکات”.
ناوبراو لە خولەکی ٨٦دا جێگەی هالاندی گرتەوە لە یارییەکەی بەرامبەر هێرتا بەرلین کە تێیدا ٥-٢ براوەبوون و هالاند سوپەرهاتریکی تۆمارکرد.
مۆوکۆکۆ بە توانا گۆڵکردنە سەرسوڕهێنەرەکەی ناسراوە و لە دۆرتموندی خوار ١٩ ساڵدا خاوەنی ١٣ گۆڵە لە چوار یاریدا، هەروەها خاوەنی ١٤١ گۆڵە لە ٨٨ یاری ئەکادیمیای دۆرتموند.
هەروەها بە بەشداریکردنی لە بۆندزلیگادا، بووە لاوترین یاریزانی مێژووی خولەکە.
