رەنگە رەگەزپەرست بێت؛ دۆناڵد ترەمپ لە کۆنگرەیەکی رۆژنامەوانیدا هێرش دەکاتە سەر لێبرۆن جەیمس
لێبرۆن تازە گرێبەستی لەگەڵ فیلادیلفیا سیکسەرز واژۆ کردووە
یاریگا –
دۆناڵد ترەمپ، سەرۆکی ویلایەتە یەکگرتووەکانی ئەمریکا، لە کاتی کۆنگرەیەکی رۆژنامەوانیدا لە رۆژی هەینیدا هێرشی کردە سەر لێبڕۆن جەیمس، ئەستێرەی NBA کە تازە گرێبەستی لەگەڵ فیلادیلفیا سیکسەرز واژۆ کردووە و یەکێکە لە رکابەرەکانی لە جیهانی وەرزشدا، هەروەها بە رەگەزپەرست وەسفی کرد.
کاتێک لەبارەی کاروانی وەرزشیی مایکڵ جۆردن و لێبڕۆن جەیمس، دوو لە گەورەترین ئەستێرەکانی باسکەی ئەمریکی و جیهانی پرسیاری لێ کرا، دۆناڵد ترەمپ لە رۆژی هەینیدا گوتی کە ئەستێرەکەی پێشووی لەیکەرز دەکرێت رەگەزپەرست بێت. لە کاتی کۆنگرەیەکی رۆژنامەوانیدا لە کۆشکی سپی، پیتەر دووچی، رۆژنامەنوسی فۆکس نیوز، ئاماژەی بە گواستنەوەی یاریزانە 41 ساڵانەکە بۆ فیلادیلفیا سیکسەرز کرد، نزیکەی مانگێک دوای راگەیاندنی رۆیشتنی لە لۆس ئانجلس و دواتر لە سەرۆکی پرسی کە لەنێوان جۆردن و جەیمسدا کێ مەزنترینی سەرجەم سەردەمەکانە.
ترەمپ لە وەڵامدا گوتی:
مایکڵ جۆردن هاوڕێی منە، گۆڵفی لەگەڵدا دەکەم، بەڕاستی کەسێکی باشە. پێم وایە لێبڕۆن… رەنگە رەگەزپەرست بێت، بەڵام رەنگە حەزی بە ترەمپ نەبێت. نازانم، تەنیا ئەو کەسانەم بەدڵە کە منیان بەدڵە، بۆیە بێ دوودڵی دەڵێم مایکڵ جۆردن.
LeBron James announced Friday he’s joining the Sixers for the 2026-27 season, which will be his 24th as a pro.
“Where do you stand on LeBron vs. Michael Jordan as the best ever?” A reporter asked President Trump.
“Well, Michael Jordan’s a guy that’s a friend of mine. Play golf… pic.twitter.com/B9Tw9i4v50
— CBS News (@CBSNews) July 24, 2026
لێبڕۆن جەیمس پشتیوانیی لە سێ بەربژێرەکە کرد کە لە سێ هەڵبژاردنی دواییی سەرۆکایەتیدا رووبەڕووی ترەمپ بوونەوە: هیلاری کلینتن لە 2016 (کە لەلایەن ترەمپەوە بەزێنرا)، جۆ بایدن لە 2020 (وەکوو براوە) و کامالا هاریس لە 2024 (کە بەزێنرا). هەروەها یاریزانەکە رەخنەی لە ترەمپ گرت، کە داوەتنامەی کۆشکی سپیی بۆ یانەی گۆڵدن ستەیت وۆریەرز دوای نازناوی NBAـی 2017ـیان کشاندەوە، دوای لێدوانەکەی ستیفن کێری کە گوتبووی سەردانەکە رەت دەکاتەوە.
مایکڵ جۆردن، کە تەمەنی 63 ساڵە، شەش نازناوی NBAـی لەگەڵ شیکاگۆ بۆڵس لە ساڵانی 1990ـەکاندا بردەوە و پێنج جار وەکوو باشترین یاریزانی وەرز دەستنیشان کرا. لە لایەکی دیکەشەوە، جەیمس چوار ئەڵقەی پاڵەوانییەتیی هەیە و هەروەها پێنج جار وەکوو باشترین یاریزانی وەرز دیاری کراوە لە کاتی کاروانی وەرزشییدا لەگەڵ کلیڤلاند کاڤالێرز، مەیامی هیت و لەیکەرز. هەروەها گۆڵکاری مێژووییی خولی NBAـیە و ئەو یاریزانەیە کە زۆرترین یاریی لە مێژووی خولەکەدا کردووە.
