تەواو؛ ئەستێرەیەکی دیکە قەڵای سپی چۆڵ دەکات
گەیشتوونەتە رێککەوتنی کۆتایی
یاریگا –
وا دیارە ئەستێرەکەی ریال مەدرید کۆتایی بە ماوەی یاریکردنی لە قەڵای سپی نزیک دەهێنێت و بە یەکجاریی ماڵاوایی دەکات.
بەگوێرەی زانیارییەکانی رۆژنامەنووسی ناودار، ماتیۆ مۆریتۆ، یانەی ئایاکس لەگەڵ ریال مەدرید گەیشتووتە رێککەوتنی سەرەتایی، ئێستا بابەتەکە تەنیا لەسەر چەند وردەکارییەکی رێککەوتنی نێوان دانی سیبایۆس و یانە هۆڵەندییەکە ماوە، تاوەکوو لەسەر مەرجە کەسییەکان رێک بکەون و گرێبەستەکە کۆتایی پێبهێنن.
بەگوێرەی هەمان سەرچاوە، ناوەڕاستکارە ئیسپانییەکە ئامادەیە بۆ ئەم هەنگاوە. ئایاکس لەم دواییانەدا میشێلی وەکوو راهێنەری یانەکە دیاری کردووە و سێبایۆس وەکوو زیادەیەکی خاوەن ئەزموون بۆ هێڵی ناوەڕاستی خۆی دەبینێت.
سێبایۆس لەم وەرزەدا بۆ بەدەستهێنانی کاتی بەردەوامی یارییکردن تووشی ئاستەنگی بووەوە و راپۆرتەکان ئاماژە بەوە دەکەن کە پەیوەندییەکەی لەگەڵ ئالڤارۆ ئاربێلوا هۆکار بووە بۆ ئەو هەستەی کە کاتی یاریکردنی لە مەدرید بەرەو کۆتایی دەچێت.
Más detalles sobre el fichaje de Ceballos por el Ajax.
Los dos clubes han llegado a un acuerdo de principio; ahora solo queda cerrar todos los detalles con el jugador en cuanto a las condiciones del contrato.
Las partes están en ello.
— Matteo Moretto (@MatteMoretto) June 3, 2026
دوای ئەوەی پێشنیاری گواستنەوەی بۆ مارسیلیا لە مانگی کانوونی دووەمدا شکستی هێنا، ئێستا رۆیشتنی زۆر نزیک بووەتەوە.
ئەم هەنگاوە ئەوە دەگەیەنێت کە ئایاکس یاریزانێکی خاوەن ئەزموونی هێڵی ناوەڕاست بەدەست دەهێنێت کە پێشتر بۆ ریال مەدرید، ئارسیناڵ و ئیسپانیا یاریی کردووە. ریال مەدریدیش شوێن لە تیمەکەیدا چۆڵ دەکات و تێچووی مووچە کەم دەکاتەوە لە کاتی بەردەوامبوونی لە دووبارە بنیادنانەوەی هێڵی ناوەڕاستیدا.
بۆ سێبایۆس، ئەمە دەکرێت بە واتای دەرفەتێک بێت بۆ ئەوەی جارێکی دیکە ببێتەوە بە یاریزانی سەرەکیی بەردەوام، نەوەکوو یاریزانێکی فەرامۆشکراو. تێچووی پێشبینیکراوی گواستنەوەکەش وەکوو باسی لێوە دەکرێت لە دەوری شەش ملیۆن یۆرۆیە.
سێبایۆس دوای حەوت وەرز لەنێوان دوو ماوەی جیاوازدا ریال مەدرید جێدەهێڵێت، دوای ئەوەی چەندین نازناوی گەورەی بردەوە بەبێ ئەوەی بە تەواوی خۆی وەکوو بژاردەی یەکەمی بەردەوام بسەلمێنێت.
