یاریگا –
ئەمڕۆ بەغدای پایتەخت بووەتە چەقی سەرنجی هەموو لایەک، چونکە یەکێک لە گرنگترین و توندترین هەڵبژاردنەکانی مێژووی وەرزشی وڵاتەکە بەڕێوەدەچێت.
لە هۆتێل رەشید و لە ژێر چاودێرییەکی توندی نێودەوڵەتیدا، نەخشەی داهاتووی تۆپی پێی عێراق بۆ چوار ساڵی داهاتوو دیاری دەکرێت، كاتێك ههڵبژاردن بۆ فیدراسیۆنی تۆپی پێی عێراق دهكرێت.
كارهكانی لۆجستی و بەڕێوەچوونی ههڵبژاردن
پرۆسەی فەرمی دەنگدان لە کاتژمێر 2:00ـی دوانیوەڕۆ به كاتی ههولێر لە هۆتێل رەشید لە ناوچەی سەوزی بەغدا دهست پێدهكات، ئەم شوێنە بەهۆی بارودۆخی ئەمنی و هەستیاریی پرۆسەکە هەڵبژێردراوە تاوەکو بە دوور بێت لە هەر فشارێکی دەرەکی.
ناسنامەی دەنگدەران (کۆمەڵەی گشتی)
کۆی گشتی ئەو ئەندامانەی مافی دەنگدانیان هەیە 61 ئەندامە. ئەم ئەندامانە نوێنەرایەتی تەواوی جەمسەرەکانی تۆپی پێی عێراق دەکەن، لەوانە:
یانەکانی خولی ئهستێرهكان و نایابی عێراق
قی فیدراسیۆن له پارێزگاکان.
نوێنەرانی لیژنەکانی ناوبژیوانان، راهێنەران و یاریزانان.
کێبڕکێی جەمسەرە بەهێزەکان (بەربژێرەکان)
ململانێی سەرەکی بۆ پۆستی سەرۆکایەتییە، کە سێ کەسایەتی بەهێز کێبڕکێی لەسەر دەکەن:
پۆستی سەرۆک:
عەدنان دەرجال: سەرۆکی پێشوو کە دەیەوێت له پۆستهكهی بهردهوام بێت .
یونس مەحموود: ئەستێرەی دێرین و جێگری پێشوو سهرۆك وەک رکابەرێکی سەرسەخت دەردەکەوێت.
ئەیاد بنیان: کەسایەتییەکی تری دیاری وەرزشی کە چاوی لە پۆستی سەرۆکایەتییە.
پۆستەکانی جێگری سەرۆک:
جێگری یەکەم: شهش بەربژێر کێبڕکێ دەکەن ئهوانیش ههریهكه له ؛ عەلی جەبار، سەرمەد عەبدولئیلاهـ، فارس عەبدوڵڵا، وسام یووسف، سەعد عەبدولحەمید، حەکیم شاکر، گۆڤهند عهبدولخالق.
جێگری دووەم: ململانێ لە نێوان محەمەد ناسر شکرون و عەلی جەبار فازڵ و عهبدوڵڵا جهلاله.
پۆست ئهندامی فیدراسیۆن: زیاتر لە 25 کاندید بۆ بەدەستهێنانی کورسییەکانی ئەندامێتی دەجەنگن.
چاودێری نێودەوڵەتی و یاسای نوێ
ئەم هەڵبژاردنە یەکەم تاقیکردنەوەیە بۆ ئەو گۆڕانکارییە یاساییانەی لە نیسانی 2025 لە پێڕەوی ناوخۆی فیدراسیۆنەکەدا پەسەندکران. ههروهها نوێنەرانی ههریهكه له فیفا و فیدراسیۆنی تۆپی پێی ئاسیا لە هۆڵەکەدا ئامادەن بۆ دڵنیابوون لە:
سەربەخۆیی تەواوی پرۆسەکە.
دوورخستنەوەی هەر دەستێوەردانێکی سیاسی دەرەکی.
پەیڕەوکردنی رێکارە یاساییەکان بە وردی.
ئەم هەڵبژاردنە لە ساتێکی مێژووییدا دێت، کە عێراق خۆی بۆ مۆندیالی 2026 ئامادە دەکات. هەر ئەنجامێک کە لە سندوقەکانی دەنگدان بێتە دەرەوە، نەک هەر ناوی بەرپرسەکان، بەڵکو ستراتیژییەتی چوار ساڵی داهاتووی وەرزشی وڵاتەکە دیاری دەکات.
