یاریگا –
کۆکێ هەندێک نیگەرانی لە نێوان هاندەرانی ئاتلێتیکۆ مەدرید دروستکرد، دوای ئەوەی رەتی کردەوە مانەوەی لە وەرزی داهاتوو پشتڕاست بکاتەوە.
سەرەڕای ئەوەش لەنێو یانەکە هیچ نیگەرانییەکی راستەقینە دەربارەی داهاتووی ئەو نییە. کۆکێ بە قووڵی کاریگەری شکستی لەسەر بوو و هەستی دەکرد بۆ قسەکردن لەسەر بابەتە تایبەتییەکان یان گرێبەستەکان کاتێکی گونجاو نییە.
ئاتلێتیکۆ بڕوای وایە کاپتنەکە بە تەواوی مافی خۆیەتی بڕیار لەسەر داهاتووی خۆی بدات، دوای هەموو ئەوانەی بە یانەکەی بەخشیوە. لەگەڵ ئەوەشدا هێشتا هیچ بڕیارێکی کۆتایی نەدراوە.
یانەکە هەفتەکانی رابردووی بە سەرنجدان لە پاڵەوانێتییە گەورەکان بەسەر برد، لەوانە یاریی کۆتایی جامی شای ئیسپانیا و یاری پێشکۆتایی خولی پاڵەوانەکانی ئەوروپا، ئەمەش بواری کەمی بۆ گفتوگۆکردن دەربارەی بارودۆخە کەسییەکان جێهێشت.
سەرەڕای ئەوەی تەمەنی 34 ساڵە، کۆکێ وەرزێکی نایابی هەبووە. هەرچەندە چاوەڕوان نەدەکرا رۆڵێکی وەها گەورە بگێڕێت، بەڵام بوو بە یەکێک لە باشترین یاریزانەکانی ئاتلێتیکۆ.
لەم وەرزەدا 52 یاریی فەرمی بۆ ئاتلێتیکۆ کردووە: 30 لە لالیگا، 16 لە چامپیۆنزلیگ، 5 لە جامی شای ئیسپانیا و 1 یاری لە سوپەری ئیسپانیا. کاپتنی یانە مەدریدییەکە 3250 خولەک یاریی کردووە، دوو گۆڵ و سێ ئەسیستیشی هەیە.
لەنێو یانەکە هەستەکە دەکرێت کە کۆکێ دەمێنێتەوە. لە راستیدا زۆرزێک لە خەڵکی بەبێ ئەو ناتوانن وێنای تیمی 2026-2027ـی ئاتلێتیکۆ بکەن. بەڵام بۆ ئێستا ناوەڕاستکارەکە سەرنجی لەسەر تیمەکەیە نەوەکوو داهاتووی خۆی.
