بە بێ پارەدان؛ بارسێلۆنا مەرجێکی قورس بۆ جواو کانسیلۆ دادەنێت

یاریگا –

یانەی بارسێلۆنا مەرجی کۆتایی خۆی بۆ مانەوەی جواو کانسێلۆ لە ریزەکانی یانەکە دیاریدەکات.

رۆژنامەی سپۆرت بڵاویکردووەتەوە، هەرچەندە هانزی فلیک و کارگێڕیی بارسێلۆنا بە تەواوی لە ئاستی کانسێلۆ رازین، بەڵام بۆ واژۆکردنی گرێبەست بە شێوەیەکی هەمیشەیی، مەرجی دارایی توندیان داناوە.

بارسێلۆنا بە نوێنەری یاریزانەکە، خۆرخێ مێندێشی راگەیاندووە کە ئامادە نین بڕە پارەیەکی زۆر بۆ گواستنەوەی کانسێلۆ خەربج بکەن و پلانی یانەکە ئەوەیە کانسێلۆ خۆی گرێبەستەکەی لەگەڵ یانە سعودییەکە هەڵبوەشێنێتەوەو بە بێبەرامبەر یان بە بڕە پارەیەکی کەم پەیوەندی بە یانەکەوە بکات.

✅ El Barça da el OK al fichaje de Cancelo solo si llega libre o con un traspaso casi simbólico

👀 El club blaugrana ya ha comunicado al entorno del jugador que cuenta con él

✍️ L. Miguelsanzhttps://t.co/EVmRkC33K4

— Diario SPORT (@sport) May 6, 2026

ئەم بڕیارەی بارسێلۆنا لەکاتێکدایە کە هیلال بۆ دەستبەرداربوون لە بەرگریکارە پۆرتوگالییەکە داوای 10 ملیۆن یۆرۆ دەکات، بەڵام یانە کاتالوونییەکە کە ئێستا بەهۆی سنووری مووچەکانەوە لەژێر گوشارە، نایەوێت ئەو بڕە پارەیە خەرج بکات. لە ئەگەری پێداگریی یانە سعودییەکە، بارسێلۆنا بیر لە پێشکەشکردنی مارک کاسادۆ وەکوو بەشێک لە گرێبەستەکە دەکاتەوە بۆ کەمکردنەوەی تێچووەکان.