بەرەوپێشچوونێکی زۆر؛ وادەی گەڕانەوەی رۆدریگۆ بۆ یاریگاکان ئاشکرا دەکرێت

یاریگا –

چاکبوونەوە لە پێکانێکی قورسی وەکوو پچڕانی بەستەری ئەژنۆ، تەنها جەنگێکی جەستەیی نییە، بەڵکوو جەنگێکی دەروونیی سەختیشە.

رۆدریگۆ گۆێس، ئەستێرەی لاوی ریال مەدرید، هەرچەندە هێشتا ناتوانێت بە پێیەکانی بڕوات، بەڵام بە تەنیاش هەنگاو نانێت.

سەردانی ئەفسانەکان؛ کارلۆس و مارسێلۆ
 لە نوێترین هەوڵدا بۆ بەرزکردنەوەی ورەی یاریزانەکە، هەردوو ئەفسانەی یانەی ریال مەدرید، رۆبێرتۆ کارلۆس و مارسێلۆ، سەردانی ماڵی رۆدریگۆیان کرد. ئەم دوو ئەفسانەیە لەگەڵ یاریزانەکە و باوکی کاتیان بەسەربرد. پێش ئەوانیش، ئیدێر میلیتاو کە ئەویش تازە نەشتەرگەریی بۆ کراوە، سەردانی هاونیشتمانییەکەی کردبوو بۆ ئەوەی پێکەوە رووبەڕووی ئەم قۆناخە سەختە ببنەوە.

🚨 Rodrygo was initially expected to be out for 10–12 months, but there is growing optimism he could return SOONER if recovery continues well.

Real Madrid remain extremely cautious and will NOT rush him back until the risk of relapse is fully gone.

Early 2027 is seen as most… pic.twitter.com/ouRtQlynOa

— Madrid Xtra (@MadridXtra) April 29, 2026

کارکردنێکی سەرسوڕهێنەر لە پشت پەردەکانەوە
رۆژنامەی ئاس ئاشکرای دەکات، لەنێو جەرگەی شاری وەرزشیی ڤاڵدێبێباس، هەمووان سەرسامن بەو ئیرادەیەی رۆدریگۆ هەیەتی. رۆدریگۆ بە شێوەیەکی بێوچان کار دەکات بۆ ئەوەی وادەی گەڕانەوەی کورت بکاتەوە. لە یانەکەوە وەسفی کارکردنی بە کارەساتێکی ئەرێنی دەکەن، چونکە زیاتر لەو ئاستەی کە لێی چاوەڕوان دەکرێت ماندوو دەبێت، هەرچەندە پزیشکەکان داوای وریایی لێ دەکەن.

رێگایەکی دوور تاوەکوو ساڵی 2027
رۆدریگۆ لە 2ـی ئازاری رابردوو لە یاری بەرامبەر خێتافێ تووشی پێکانێکی قورس لە ئەژنۆی راستیدا هات، دوای نەشتەرگەرییەکەی لە ژێر دەستی دکتۆر لایس، ئێستا دوو مانگە لە ململانێدایە.

بەگوێرەی زانیارییەکانی رۆژنامە مەدریدییەکە، هەرچەندە هەستەکان ئەرێنین، بەڵام یانەی ریال مەدرید هیچ سەرکێشییەک رۆدریگۆوە ناکات. پێشبینی دەکرێت رۆدریگۆ تاوەکوو سەرەتای ساڵی 2027 نەگەڕێتەوە نێو یاریگاکان، ئەمەش بەو مانایەیە کە یاریزانەکە بە فەرمی مۆندیالی ئەم هاوینەی لەدەستدا، کە ئەمەش گەورەترین ئازاری دەروونیی بووە بۆی.