یاریگا –
گەشتەکەی نیکۆلاس جاکسن لە بۆندسلیگا تەنیا یەک وەرز دەخایەنێت و لە کۆتایی وەرز بایرن میونشن بەجێدەهێڵێت.
فلۆریان پلێتنبێرگ، رۆژنامەنووسی تۆڕی سکای سپۆرتسی ئەڵمانی بڵاویکردووەتەوە، هێرشبەرە سەنیگالییەکە لە هاوینی داهاتوو ماڵئاوایی لە ئالیانز ئارێنا دەکات.
🚨🆕 The current tendency is that Nicolas #Jackson will leave FC Bayern in the summer.
Bayern’s bosses and Vincent Kompany are satisfied with his performances and professionalism. However, an end in the summer is planned, and there are currently no talks over a second… pic.twitter.com/Kqi7hBWEjQ
— Florian Plettenberg (@Plettigoal) April 22, 2026
رازیبوون بەبێ مانەوە!
ئەوەی جێگەی سەرنجە، ڤینسێنت کۆمپانی، راهێنەری بایرن میونشن و کارگێڕیی یانەکە بە تەواوی لە ئاست و پیشەگەریی جاکسن رازین. یاریزانەکە توانیبووی لە ماوەیەکی کورتدا جێپەنجەی خۆی دیاریبکات، بەڵام سەرچاوەکان دووپاتی دەکەنەوە کە یانە باڤارییەکە پلانی نییە گرێبەستەکەی بکاتە هەمیشەیی و هیچ گفتوگۆیەکیش بۆ نوێکردنەوەی خواستنەکەی لە ئارادا نییە.
گەڕانەوە بۆ لەندەن و وێستگەی نوێ
جاکسن کە بە خواستن لە چێڵسییەوە هاتبووە بایرن میونشن، لە هاوینی 2026 دەگەڕێتەوە ناو ریزەکانی یانە لەندەنییەکە، بەڵام بەگوێرەی زانیارییەکانی هەمان سەرچاوە، پێناچێت مانەوەی لە چێڵسی درێژە بکێشێت، چونکە ئاستە باشەکەی لەگەڵ بایرن میونشن وای کردووە چەندین یانەی گەورەی ئەوروپا ئارەزووی گواستنەوەی بکەن.
