یاریگا –
ئولیسس ویڵیامس، یەکێکە لە دیارترین راهێنەرانی لەشڕێکی سرووشتی لەسەر ئاستی جیهان و کەسایەتییەکی دیاری پلاتفۆڕمەکانی سۆشیاڵ میدیایە.
ئولیسس لە سۆشیاڵ میدیا بە ئولیسس وۆرڵد ‘Ulisses World’ ناسراوە و لە سەرجەم پلاتفۆڕمەکاندا زیاتر لە 15 ملیۆن فۆڵۆوەرزی هەیە.
پاڵەوانە ئەمریکییەکە راهێنەری دەیان کەسایەتی بەناوبانگە و کۆمپانیایەکی گەورەی بە ناوی ئولیسس وۆرڵد هەیە و خۆی بەڕێوەبەری جێبەجێکاری کۆمپانیاکەیە، جیا لەمەش باڵیۆزی چەندین بڕاندی جیهانییە.
View this post on Instagram
ئولیسس لە تەمەنی 19 ساڵیدا راهێنانی چڕی لەشڕێکی دەستپێکرد و ئێستا تەمەنی 49 ساڵە، ئولیسس بووە خۆشەویستترین وەرزش لەلای، ئێستا خۆی وەکو یەکێک لە دیارترین کەسایەتییەکانی پیشەسازییەکە سەلماندووە و ملیۆنان فۆڵۆوەرزی هەیە.
لەڕێگەی کۆمپانیاکەیەوە، ئولیسس چەندین خزمەتگوزاری پێشکەش دەکات، لەوانە؛
- خشتەی کێش دابەزاندن
- خشتەی مەشق و راهێنانی لەشڕێکی
- فرۆشتنی تەواوکەری خۆراکی
ئولیسس بۆ کردنەوەی بڕاندی کۆمپانییەکی نێودەوڵەتی تەواوکەری خۆراکی لە هەولێرە و تاوەکو هەینی دەمێنێتەوە.
