راتکڵیف ماوەی پێویستی بۆ مانەوەی ئامۆریم ئاشکراکرد

یاریگا –

سێر جیم راتکڵیف بێدەنگی شکاند پەیوەست بە زیادبوونی دەنگوباسەکانی دوورخستنەوەی روبێن ئامۆریم.

ئەنجامەکانی مانچێستەر یونایتد لەوەتەی ئامۆریم لە مانگی نۆڤێمبەری 2024 پۆستی راهێنەرایەتی یانەکەی بەڕێوەدەبات، لە خراپەوە بۆ خراپتر چووە. هەر لەسەردەستی ناوبراویش بوو مان یونایتد ئەم وەرزە تەنها لە کێبڕکێ نێوخۆییەکان بەشدارە نەک لەسەر ئاستی کیشوەری ئەوروپا.

لە نوێترین چاوپێکەوتنیدا، راتکڵیفی هاوخاوەن کە دەسەڵاتی زۆرینەی باڵای هەیە لە بڕیارەکان، ماوەی پێویستی بۆ مانەوەی راهێنەرە پۆرتوگالیەکە ئاشکراکرد و وتی

ئامۆریم هێشتا لە باشترین وەرزەکانی خۆی پیشاننەداوە. ئەو دەبێت لە ماوەی سێ ساڵدا ئەوە بسەلمێنێ کە راهێنەرێکی مەزنە.

لە درێژەی لێدوانەکانیدا، راتکڵیف بەرگرییەکی زیاتری پیشاندا بۆ ئامۆریم و کاتە سەختەکانی ئێستای بە سێر ئالێکس فێرگسن و میکێل ئارتێتا چواند لە یەکەمین وەرزەکانیان لەگەڵ مان یونایتد و ئارسیناڵ، وتی

ئەو فشارانەی سەر فێرگسنم  بیرە کە هەر لە یەکەمین دوو ساڵی خۆیدا لەگەڵ مان یونایتد داوای دوورخستنەوەیان دەکرد. تەماشای ئارتێتا لەگەڵ ئاسیناڵ، یەکەمین دوو ساڵی توشی چ زەحمەتیەک بوو.

بۆیە ئێمەش دەبێت پشوودرێژبین و تەماشای ئەنجامەکان بۆ دوورمەودا بکەین.

🚨 Sir Jim Ratcliffe: “I remember the pressures that were calling for Sir Alex Ferguson’s sacking in his first two years. Look at Arteta with Arsenal, he faced a tough time in his first two years”.

“We have to be patient and look at the results in the long term”, told Times. pic.twitter.com/ypmZ8K3d1i

— Fabrizio Romano (@FabrizioRomano) October 8, 2025