تەواو؛ بارسێلۆنا گرێبەستێكی گەورەی یەكلاییكردەوە
یاریگا –
لە كۆتاییدا چاوەڕوانی هاندەرانی بارسێلۆنا كۆتایی دێت و خوان گارسیا پەیوەندی بە یانەكەوە دەكات.
بە گوێرەی زانیارییەكانی فابریزیۆ رۆمانۆ، خوان گارسیا گۆڵپارێزی ئیسپانی یانەی ئیسپانیۆل پەیوەندی بە بارسێلۆناوە دەكات.
هەموو شتێک كۆتاییهاتووە و بارسێلۆنا لەگەڵ گۆڵپارێزە ئیسپانییەكە گەیشتووەتە رێككەوتنی كۆتایی و هەفتەی داهاتوو بڕگەی ئازادكردنی گرێبەستەكەی بە ئیسپانیۆل دەدات.
گارسیای تەمەن 24 ساڵان گرێبەستێک بۆ ماوەی پێنج ساڵ و تاوەكو 2030 لەگەڵ یانە كاتالۆنییەكە واژۆ دەكات.
🚨🔵🔴 BREAKING: Joan García to Barcelona, here we go! Documents are now in place with Spanish GK.
Release clause to be paid in the next days, could happen next week but all contracts are now ready.
Joan García will sign a five year deal at Barça, all set. pic.twitter.com/celkuAf5vS
— Fabrizio Romano (@FabrizioRomano) June 10, 2025
بارسێلۆنا نرخی هەڵوەشاندنەوەی گرێبەستەکەی بە ئیسپانیۆل داوە کە بڕەکەی 25 ملیۆن یۆرۆیە.
گارسیا یەکێکە لە باشترین گۆڵپارێزەکانی ئێستای ئیسپانیا، لەم وەرزەی لالیگا خاوەنی زۆرترین بەرپەرچدانەوە بوو لە خولەکە، 146 جار بەرپەرچی هێرشەکانی دایەوە و یەکێک بوو لە هۆکارە کاریگەرەکان بۆ مانەوەی ئیسپانیۆل لە ریزی یانە پلە یەکەکان.
