یاریگا–
لە تورکیا دەنگۆی ئەوە بڵاوبووەتەوە کە رەجەب تەیب ئەردۆگانی سەرۆکی ئەم وڵاتە و برات ئالبایراک کە دەکاتە زاوای و لە هەمان کاتدا وەزیری دارایی و ئابوری ئەو وڵاتەیە دەستکاری ئەنجامی یارییەکانیان کردووە.
رۆژنامەی سەباحی تورکی بڵاویکردووە ساڵی رابردوو و ئەمساڵیش خەڵکانێک سەرۆکی وڵاتەکەیان و زاواکەی بەوە تۆمەتبار دەکەن کە دەستکاری ئەنجامی یارییەکانیان کردووە، بە تایبەت ئەنجامەکانی فەنەرباهچە و ترابزۆن سپۆر، چونکە سەرۆکەکەیان هاندەری فەنەرباهچەیە و وەزیری داراییش هاندەری ترابزۆن سپۆرە.
دوای بڵاوبونەوەی ئەم دەنگۆیانە ئەردۆگان هاتە دەنگ و هەموو ئەو هەواڵانەی رەتکردەوە، لە هەمان کاتدا نەیشاردەوە کە هاندەری فەنەرباهچەیە.