یاریگا –
ئەمرۆ گورزێکی دیکەی قورس بەر یانەی ئارسیناڵ کەوت کاتێک یانەکە لە پێگە فەرمییەکانی خۆیەوە دوورکەوتنەوەی کای هاڤێرتزی تا کۆتایی وەرز راگەیاند.
فەرمی؛ ئارسیناڵ دوورکەوتنەوەی ئەستێرەیەکی تا کۆتایی وەرز راگەیاند – Yariga
دوورکەوتنەوەی ئەستێرە ئەڵمانییەکە لەکاتێکدایە یانەکە پێشتر لە تواناکانی هەریەکە لە بوکایۆ ساکا، گابریێل خیسۆس و گابریێل مارتینێلی بێبەشبووبوو. بەوەش هێڵی هێرشبەری تۆپچییەکان بەتەواوەتی پەکیکەوت.
فابریزۆ رۆمانۆ پلانەکانی ئەو یانەی بۆ مامەڵە لەگەڵ دۆخەکە ئاشکراکردووە و باس لەوەدەکات دوای پێکانەکەی هاڤێرتزیش پلانەکانی ئارسیناڵ وەک خۆئ دەمێنێتەوە، ئەوەش بە دۆزینەوەی چارەسەری نێوخۆیی، واتا بە پێدانی هەل بە یاریزانە لاوەکان و بیرخستنە لای گرێبەستێکی گەورە لە هاویندا.
لە درێژەی زانیارییەکانیدا ئەو رۆژنامەنووسە ئەوەشی بڵاوکردووەتەوە کە گەنەرز لە ئێستاوە خۆی بۆ گواستنەوەی هێرشبەرێک ئامادەدەکات لە گواستنەوەکانی هاوین. دوو لە پەسەندترین بژاردەکانیشیان بێنیامین شێشکۆ لە لایپیزگ و ئەلیکساندەر ئیزاکە لە یانەی نیوکاسڵ. ئەوانە و هەروەها گواستنەوەی یاریزانێکی باڵ.
🔴⚪️ Even after update on Kai Havertz’s injury requiring surgery, Arsenal plan remain the same: find internal solutions and focus on big signing in the summer.
Important investment planned on striker for the summer window (Šeško and Isak the fav names)… and winger too. 👀 pic.twitter.com/Jj4cOlgHY4
— Fabrizio Romano (@FabrizioRomano) February 13, 2025
یانە لەندەنییەکە لە پرێمەرلیگ بە جیاوازیی 7 خاڵ لە لیڤەرپوولی پێشەنگەوە دوورە و لە جامپیۆنزیلیگیش وەک یەکێک لە هەشت یانەکەی سەرەوەی ریزبەندیی، پەڕیوەتەوە بۆ قۆناخی 16ی پاڵەوانێتیەکە.
