یاریگا –
دوای نزیکەی هەفتەیەک لە یارییەکەی وۆڵڤرهاپتن و ئارسیناڵ، کە تێیدا لێویس کێڵی بەرگریکاری گەنەرز هەر لە گێمی یەکەم لەلایەن مایکڵ ئۆلیڤەری ناوبژیوان بە کارتی سوور کرایەدەرەوە، لێکەوتەکانی ئەو رووداوە هێشتا بەردەوامییان هەیە.
پێرێ یەکێتی تۆپی پێی ئینگلتەرا بڕیارێکی گرنگی لە بەرژەوەندی ئارسیناڵ دا بە هەڵگرتنی کارتە سوورەکەی سەر سکێڵی، ئەوە پێش یارییە گرنگەکەی هەفتەی داهاتوویان بەرامبەر مانچێستەر سیتی. بەوەش بەرگریکارە 18 ساڵانەکە دەتوانێ بۆ سێ یاریی داهاتووی تۆپچییەکان یاریی بکات، کە پێشتر بەهۆی ئەو کارتەوە نەیدەتوانی.
پێش یاریی لووتکەی پرێمەرلیگ بڕیارێکی گرنگ لە بەرژەوەندی ئارسیناڵ درا
ئێستا بەپێی راگەیەندراوێک لە یەکێتی تۆپی ئەو وڵاتەوە، یانە لەندەنییەکە تۆمەتبارە بە هەڵسوکەوتی نەشیاوی یاریزانەکانی لە دژی ناوبژیوان.
دێکلان رایس یەکێک لەو یاریزانانەبوو زێدەڕۆیی کرد لە کاردانەوەکانی لە دژی ئۆلیڤەر و تەنانەت بەسەریدا هاواری دەکرد.
وەک لە راگەیەندراوەکەدا هاتووە، ئارسیناڵ تا 3ی مانگی داهاتووی بەدەستەوەیە بۆ وەڵامدانەوەی تۆمەتەکان لەسەری.
لەلایەکی دیکەوە کۆمەڵەی PGMOL، کە لایەنێکی تایبەتن بۆ پاراستنی ناوبژیوانانی خولی ئینگلیزی، لە راگەیەندراوێکدا باس لەوەدەکەن دوای یارییەکە مایکڵ ئۆلیڤەر رووبەڕووی هەڕەشەی توند و ترسناک بووەتەوە. هەربۆیە دەبێ خۆی و خانەوادەکەی دەبێ بپارێزرێن.
The FA say the club ‘allegedly failed to ensure that its players did not behave in an improper manner’.
Lewis-Skelly’s red card was later overturned.#BBCFootball pic.twitter.com/sxBJ9JfjP0
— BBC Sport (@BBCSport) January 30, 2025
