یاریگا –
ئەمشەو لە یاریی كۆتایی جامی سوپەری ئیسپانیا ریال مەدرید و بارسێلۆنا رووبەڕووی یەک دەبنەوە.
وا بڕیارە ئەمڕۆ یەكشەممە كاتژمێر 22:00 بە كاتی كوردستان ریال مەدرید و بارسێلۆنا لە یاریگای شاری وەرزشی شا عەبدوڵڵا رووبەرووی یەك ببنەوە، لە میانی یاریی كۆتایی جامی سوپەری ئیسپانیا.
پڕۆفایلی یاری
لە قۆناخی پێشكۆتاییدا ریال مەدرید بەرامبەر ریال مایۆركا یاریی كرد و توانی یارییەكە بە سێ گۆڵی بێ وەڵام بباتەوە و خۆی گەیاندە یاریی كۆتایی جامی سوپەری ئیسپانیا.
لە بەرامبەردا بارسێلۆنا لە قۆناخی پێشكۆتایی بەرامبەر ئاتلێتیک بیلباو یاریی كرد و یارییەكەشی بە دوو گۆڵی بێ وەڵام لێبردەوە و خۆی گەیاندە یاریی كۆتایی.
لەم وەرزەدا ریال مەدرید لە 19 یاری لالیگای ئیسپانیا 13 یاریی بردووەتەوە و چوار یاریی یەكسان بووە و دوو یاریش دۆڕاوە.
بە كۆكردنەوەی 43 خاڵ لە پێشەنگی ریزبەندی لالیگا دێت.
لەم وەرزەی لالیگادا بارسێلۆنا 19 یاریی كردووە، لە 12 یاریی براوە بووە، دوو یاریی یەكسان بووە و پێنج یارییش دۆڕاوە.
بە كۆكردنەوەی 38 خاڵ لە ریزبەندی سێیەمی لالیگا دێت.
بارسێلۆنا بە 14 نازناوی خاوەنی زۆرترین نازناوی جامی سوپەری ئیسپانیایە و لە پلەی دووەمیش ریال مەدریدە كە 13 جار نازناوەكەی بردووەتەوە.
هەواڵی پێكانی یاریزانەكان
ریال مەدرید بە بێ ئیدێر میلیتاو، دانی كارڤاخال و خێسوس ڤایێخۆ رووبەرووی بارسێلۆنا دەبێتەوە.
بارسێلۆنا بە بێ تێر شتیگن و مارك بێرناڵ و كریستێنسن رووبەرووی مەدرید دەبنەوە.
پێکهاتەی پێشبینیکراوی ریال مەدرید
كۆرتوا
ڤازكێز، چوامینی، رودیگەر، مێندی
كاماڤینگا، ڤاڵڤێردی، بێڵینگهام
ئێمباپێ، رۆدریگۆ، ڤینیسیۆس
پێکهاتەی پێشبینیکراوی بارسێلۆنا
چێزنی
كۆندێ، كۆبارسی، مارتینێز، بالدێ
پێدری، كاسادۆ
رافینیا، فێرمین ، یامال
لیڤاندۆڤسكی
