یاریگا –
یانەی مانچێستەر یونایتد بە فەرمی نوێکردنەوەی گرێبەستی ئەستێرەیەکی یانەکەی راگەیاند.
بەگوێرەی بڵاوکراوەیەک لە پێگە فەرمییەکانی خۆیانەوە، مان یونایتد هەواڵی نوێکردنەوەی گرێبەستی ئاماد دیالۆی رایگەیاند و ئەو یاریزانە تا ساڵی 2030 لە ئۆڵدترافۆرد دەمێنێتەوە.
دیالۆ کە ئێستا تەمەنی 22 ساڵە، لە پرۆژەکانی یانەکەدایە لەژێر راهێنەرایەتی روبن ئامۆریم هەربۆیە ویستیان پارێزگاریی لێبکەن.
یاریزانە کۆتدێڤوارێکە لەوەتەی ساڵی 2021 یاریی بۆ مان یونایتد دەکات، بەڵام وەرزی رابردوو توانی بە شایستەیی خۆیی سەربخرێ بۆ ریزی تیمی یەکەم. ئەم وەرزە وەک رەگەزێکی زۆر گرنگی شەیتانەسوورەکان خۆی پیشاندەدات. بەجۆرێک لە 26 یاریی سەرجەم پاڵەوانێتیەکاندا توانیویەتی بەشداریی 13 گۆڵ بکات. لە دیارترین گۆڵەکانیشی بەرامبەر لیڤەرپوول کە توانی ئەنجامەکە بۆ یانەکەی بکاتەوە بە 2-2. ئەوە و هەروەها گۆڵی بردنەوە بەرامبەر مانچێستەر سیتی لە خولەکی +90 کە توانی بردنەوە پێشکەشی شەیتانە سوورەکان بکات.
✍️ @AmadDiallo_19 is here to stay! ❤️#MUFC
— Manchester United (@ManUtd) January 9, 2025
