دەنگۆکانی مێرکاتۆ؛ ئارسیناڵ ئەستێرەیەکی ئیسپانی دەوێت و لیڤەرپوول هیچ ئۆفەری پێنەگەیشتووە

یاریگا –

بۆڕووسیا دۆرتموند لە ئەستێرەیەکی ئینگلیزی نزیکە، مان سیتی ئامانجی لیڤەرپوول دەڕفێنێت و چێڵسی لەپڕ داوای ئەستێرەیەکی مانچێستەر یونایتد دەکات…

بۆڕووسیا دۆرتموند، یوڤێنتوس و ئەیسی میلان هەوڵەکانیان بۆ گواستنەوەی مارکوس راشفۆرد، ئەستێرەی مانچێستەر یونایتد چڕکردووەتەوە – سکای سپۆرتس

فێنوەی سپۆرتس گروپ، خاوەنی لیڤەرپوول هیچ ئۆفەرێکی لەلایەن ئیلۆن مەسکەوە پێنەگەیشتووە – سکای سپۆرتس

مانچێستەر سیتی ئامادەیە بڕی 50 ملیۆن پاوەند بۆ گواستنەوەی عومەر مەرمووش، ئەستێرەی میسڕی یانەی ئێنتراخت فڕانکفورت خەرج بکات – ESPN

ئارسیناڵ گرنگی بە نیکۆ ویڵیامس، هێرشبەری ئاتلێتیک بیلباو داوە، بەڵام ئێستا ئاستەنگی دارایی بۆ گواستنەوەی یاریزانەکە هەیە – تۆک سپۆرت

ئێنتراخت فڕانکفورت ئامادەنییە بە هیچ شێوەیەک لە مێرکاتۆی ئەم زستانەیە رێگە بە چوونە دەرەوەی مەرمووش بدات – سکای سپۆرتس

چێڵسی لەپڕ چووەتە نێو کێبڕکێی بەدەستهێنانی واژۆی کۆبی مەینوو، ئەستێرەی لاوی مانچێستەر یونایتد، ئەمەش دوای وەستانی گفتوگۆکانی نوێکردنەوەی گرێبەستەکەی لە ئۆڵدترافۆرد – دەیلی مەیڵ

گرێبەستی مەینوو لە هاوینی ساڵی 2027 بەسەردەچێت و بەگوێرەی زانیارییەکان، بە ئۆفەرە نوێیەکەی مان یونایتد رازینییە – مانچێستەر ئیڤینینگ نیوز

نۆتینگهام فۆڕێست گفتوگۆکانی بۆ نوێکردنەوەی گرێبەستی مورییۆ، بەرگریکاری بەڕازیلی دەستپێکردووە، هەرچەندە گرێبەستەکەی لە هاوینی ساڵی 2028 بەسەردەچێت – ئاتلێتیک

پالمێراس دەیەوێت ئاندرێس پێرێیرا، هێرشبەری فولهام بگوازێتەوە خولی بەڕازیلی – فابریزیۆ رۆمانۆ

مانچێستەر یونایتد هەولەکانی بۆ بەدەستهێنانی واژۆی میلۆس کێرکێز، بەرگریکاری بۆرنمس دەستپێکردووە، بەهای یاریزانەکە دەگاتە 40 ملیۆن پاوەند – تیم تۆک

بە ئەگەرێکی زۆرەوە جولێن لۆپیتگێ لە پۆستی راهێنەرایەتی وێستهام یونایتد دووردەخرێتەوە – تێلێگراف