یاریگا –
لە یاری رۆژی شەممەی رابردوویان بەرامبەر ریاڵ بێتیس لە خولی ئیسپانی، هانزی فلیک یەکەمین کارتی سووری لە کاروانی راهێنەرایەتی خۆیدا وەرگرت.
بەگوێرەی راپۆرتە ناوبژیوانییەکان، دوای ئەوەی لە خولەکی 68 لێدانی سزا لە دژی یانەکەی گیرا، لەناوچەی تەکنیکی تایبەت بە راهێنەران هاواری کردووە و دەنگی بەرزکردووەتەوە.
ئەگەرچی بارسێلۆنا هەرزوو تانەی لە بڕیاری راگیرانی دا، بەڵام وادیارە سزادانی راهێنەرە ئەڵمانیەکە کە دوورخستنەوەیەتی لەسەر هێڵی یاریگا بۆ پێدانی رێنماییە تەکنینکیەکان، لە دوو یاریی چاوەڕوانکراوەوە زیاتر دەبێت بۆ 6 یاریی، ئەوەش بەگوێرەی زانیارییەکانی جێرارد رۆمێرۆی رۆژنامەنووسی ئیسپانی.
🚨🚨🌕| Barcelona’s appeal against Hansi Flick’s red card led the RFEF to extend his ban from 2 to 6 games. The German manager will be sidelined for the next SIX league games. @gerardromero pic.twitter.com/OOSZHWi5Hg
— Managing Barça (@ManagingBraca) December 8, 2024
لە باری راگرتنی هانزی فلیک بۆ تەنها دوو یاریی و قورستر نەکردنی سزاکەی، ئەوا ناوبراو لە یارییەکانی داهاتوویان بەرامبەر لیگانێس و ئاتلێتیکۆ مەدرید لە دوورەوە تەماشای تیمەکەی دەکات.
بارسێلۆنا دوای هەفتەی 17ی لالیگا، توانیویانە 38 خاڵ کۆبکەنەوە و پێشەنگی وەربگرن بە جیاوازیی تەنها 2 خاڵ لە ریاڵ مەدرید. بەڵام رکابەرە مێژووییەکەیان یارییەک کەمتری ئەنجام داوە.
