یاریگا –
یارییەکەی ئەمشەوی نێوان فیورێنتینا و ئینتەر میلان بەفەرمی هەڵپەسێردرا بەهۆی ئەو رووداوەی بەسەر ئێدواردۆ بۆڤێی یاریزانی ڤیۆلادا هات.
یاریزانە ئیتاڵیەکە لە خولەکی 15ی گێمی یەکەم تووشی رووداوێکی مەترسیداربوو، بەهۆیەوە یارییەکە وەستێنرا و ناوبراو بەپەلە رەوانەی نەخۆشخانەکرا.
دوای ماوەیەک، دەستەی بەڕێوبەرانی یارییەکە بە فەرمی ئەو رووبەڕووبوونەوەیان وەستان و بۆ کاتێکی نادیار دواخرا.
یاری نێوان ئەو دوو یانەیە بە لووتکەی ئەم هەفتەی سێریائەی دادەنرێت. بەجۆرێک خاڵەکانیان دوای 14 گەڕ وەکویەکە و 29 خاڵیان هەیە و ئینتەری پلەی دووەم تەنها بە جیاوازیی گۆڵ لەپێش فیورێنتینای پلەی سێیەم دێن.
