یاریگا –
هاندەرێکی یانەی کروزێرۆ لە کاتی گەڕانەوەی لەگەڵ هاندەرانی تیمەکەی بۆ شارەکەی، لەسەر رێگرا کوژرا.
تۆڕی ESPN بڵاویکردووەتەوە، هاندەرانی ساو پاولۆ، بۆسەیەکیان لەسەر رێگەی سەرەکی گەڕانەوەی هاندەرانی کروزێرۆ بۆ شاری بێلۆ هۆریزۆنتێ دانابوو و دوای پێکدادان و هێرشکردنە سەرییان، هاندەرێکی کروزێرۆ کوژرا.
هاندەرانی کروزێرۆ لە دوای دۆڕانی یانەکەیان بەرامبەر ئاتلێتیکۆ پاراناینسێ 3-0، بە پاس دەگەڕانەوە شارەکەیان، بەڵام هاندەرانی ساو پاولۆ، کە رکابەری سەرسەختی یەکترن، بۆسەیان بۆ دانرابوو.
پۆلیسی فێدراڵی بەڕازیل زانیاری زۆری لەبارەی رووداوەکە ئاشکرا نەکردووە، بەڵام روونیکردووەتەوە؛ کەسێکی 30 ساڵان لە نەخۆشخانەی مایریپۆرا لە باکووری ساو پاولۆ گیانی لەدەستداوە و 12 هاندەری دیکەی کروزێرۆ برینداربوون.
چەند گرتەیەکی ڤیدیۆیی بڵاوکراونەتەوە و تیایدا دەرکەوتووە، چەند هاندەرێکی ساو پاولۆ بە دار هێرشدەکەنە سەر هاندەرانی کروزێرۆ و ئاگر لە پاسەکەیان بەردەدەن، ئەمە جیا لە ئاڕاستەکردنی یاری ئاگرین بەرەوڕووی پاسەکە.
Absolutely horrific news coming out from Brazil as Palmeiras’ ultrafan club, Mancha Verde, set a bus of Cruzeiro ultras on fire, killing a 30-year-old Cruzeiro fan & leaving 17 others seriously injured
Shameless & disgusting behaviour from Palmeiras fanspic.twitter.com/kPE0rWEYrV
— Shivam Singh (@shivam17singh) October 28, 2024
یانەی کروزێرۆ لە بەیاننامەیەکدا بڵاویکردووەتەوە
زۆر بەم رووداوانە نیگەرانین و چەندین هاندەری یانەکەمان برینداربوون.
هاندەرەکە ناوی خۆسێ ڤیکتۆر میرانادا-یە، تەمەنی 30 ساڵە و دانیشتووی شاری سێتێ لاگواسە.
