یاریگا –
جامی سوپەری ئیسپانی گۆڕانکاریی تێداکرا و لە وەشانی داهاتوودا هەوادارانی یانەکانی ئەو وڵاتە بینەری تەنها دوو گێمی کاتی ئاسایی یاریەکە دەبن.
جامەکە کە لەوەتەی ساڵی 1982 تا ئێسا بەردەوامیی هەیە، پێشتر تەنها براوەی خولی ئیسپانی و جامی شا رکابەرایەتیان لەسەر نازناوەکە دەکرد، بەڵام لەوەتەی 2019-2020 گۆڕاوە و بووەتە چوار یانە کە براوە و دووەمی خول و براوە و دووەمی جامی شا تێدا بەشداری دەکەن.
بەگوێرەی بڕیارە نوێیەکەی بەڕێوبەرانی جامەکە، لەمەودوا دوو تایمی زیادکراو نامێنێت. بەجۆرێک ئەگەر کاتی یاسایی بە یەکسبانبوون کۆتایی هات ئەوا ڕاستەوخۆ پەنا دەبرێتە بەر لێدانە یەکلاکەرەوەکان بۆ دەرکەوتنی ناسنامەی تیمی براوە.
🚨 Official: Extra time scrapped for the Spanish Super Cup in Saudi Arabia!
If the match ends in a draw after 90 minutes, it’s straight to penalties to decide the winner. Drama guaranteed! ⚽🔥 pic.twitter.com/ARqD9RhF5i
— Ola BME 💙❤️ (@OlaBme_) October 10, 2024
ریاڵ مەدرید هڵگری نازناوەکەیە و یانەی بارسێلۆناش بە 14 بردنەوە خاوەنی زۆرترین نازناوە بە جیاوازی نازناوێک لە رکابەرە مەدریدیەکەی.
