یاریگا –
ئالیۆ سیسێ، پۆستی راهێنەرایەتی هەڵبژاردەی سێنیگالی جێهێشت، دوای نوێ نەکردنەوەی گرێبەستەکەی لەلایەن یەکێتیی تۆپی پێی وڵاتەکەوە.
سیسێی تەمەن 48 ساڵان، 9 ساڵە راهێنەری سێنیگالە و لە ساڵی 2022 بووە پاڵەوانی جامی نەتەوەکانی ئەفریقا.
یەکێتیی تۆپی پێی سێنیگال، بیانووی دوورخستنەوەی سیسێی بۆ شکستی راهێنەرەکە لە بەدەستهێنانی نازناوی جامی نەتەوەکانی ئەفریقای 2023 گەڕاندەوە.
سیسێ پێشتر لە ساڵانی 1999 تاوەکو 2005 یاریی بۆ هەڵبژاردەی سێنیگال کردووە، لە ساڵی 2012 بووە ئەندامی ستافی راهێنەرانی هەڵبژاردەکە.
لە ساڵانی 2012 تاوەکو 2015 راهێنەری هەڵبژاردەی ئۆڵێمپی سێنیگال بوو، لە ساڵی 2015 بووە راهێنەری هەڵبژاردەی سێنیگال.
