یاریگا –
ئەمشەو ریکۆردێکی خراپ لە مێژووی پرێمەرلیگدا تۆمارکرا کاتێک بۆرنمۆس میوانداری چێڵسی کرد لە هەفتەی چواری خولەکە.
توندوتیژیی یەکێک بوو لە سیما دیارییەکانی ئەو یارییە. بە جۆرێک 6 کارتی زەرد بەرووی یاریزانانی خاوەنماڵ و 8 کارتی زەردیش بەرووی یاریزانانی میواندا بەرزکرایەوە.
بەوەش کۆی سەرجەم کارتە بەکارهاتووەکان کە ئانتۆنی تایلەری ناوبژیوان بەکاریهێنا، گەشتە 14 کارت و بوو بە ریکۆردێکی مێژوویی لەوەتەی دامەزراندنی خولەکەوە.
14 – Bournemouth (6) vs Chelsea (8) tonight produced 14 yellow cards in total, the most in a single game in Premier League history. Naughty. pic.twitter.com/ObNGhA190G
— OptaJoe (@OptaJoe) September 14, 2024
پێشتر ژمارە پێوانەییەکە لە ساڵی 2023 لە یاری نێوان تۆتنهام و شیفیڵد یونایتدا تۆمارکرابوو کە 13 کارتی زەردیان وەرگرتبوو.
بلووز توانی یارییە قورسەکە بباتەوە بە گۆڵێک لەلایەن کریستۆفەر نکونکو لە خولەکی 86 و بوون بە خاوەنی دووەمین بردنەوە لەوەتەی سەرەتای وەرزەکەوە.
