یاریگا –
میکێل مێرینۆ، یاریزانە نوێیەکەی ئارسیناڵ، بەهۆی پێکان بۆ ماوەی دوو مانگ لە یاریگاکان دووردەکەوێتەوە.
رۆژنامەی دەیلی مەیڵ بڵاویکردووەتەوە، مێرینۆ لە یەکەم یەکەی مەشقیدا لەگەڵ ئارسیناڵ، تووشی پێکانی شان بوو و پێدەچێت بۆ ماوەی دوو مانگ لە یاریگاکان دووربکەوێتەوە.
ئارسیناڵ و ریال سۆسیداد گفتوگۆی ماراسۆنییان لەسەر گواستنەوەی ئەستێرە ئیسپانییەکە کرد، بەڵام بەگوێرەی دوایین زانیارییەکانی دەیلی مەیڵ، مێرینۆ تاوەکو ناوەڕاستی ئۆکتۆبەر/تشرینی یەکەم ناگەڕێتەوە یاریگاکان و لەوانەیە یەکەم یاریی خۆی لە پرێمەرلیگ بەرامبەر بۆرنمس بکات.
مێرینۆ 28 یاریی نێودەوڵەتی لەگەڵ هەڵبژاردەی ئیسپانیا کردووە، بەر لە گواستنەوەی بۆ ئارسیناڵ، یەکێکبوو لە یاریزانە سەرەکییەکانی سۆسیداد و خاوەنی 242 یارییە.
