ڤیاڕیاڵ گرانترین یاریزانەکەی پێشووی ئارسیناڵی گواستەوە
یاریگا –
یانەی ڤیاڕیاڵی ئیسپانی توانی بە خۆڕای تواناکانی هێرشبەرێکی دەستبکەوێت کە پێشتر گرانبەهاترین گرێبەستی ئارسیناڵ بوو.
ژێرئاوییە زەردەکان وەرزی رابردوو لە خولی ئیسپانی 65 گۆڵیان تۆمارکرد، لە بەرانبەردا هێندەی ئەوەیان لێتۆمارکرایەوە. بەوەش پێویستیان بە هێرشبەرێک بوو بۆ پڕکردنەوەی کەلێنەکانی ئەو هێڵەیان هەربۆیە نیکۆلاس پێپێ یەکێک بوو باشترین بژاردەکانیان.
بەگوێرەی راگەیەندراوێکی فەرمی یانەکە، هێرشبەرە کۆتدی ڤواریەکە بووەتە یاریزانی نوێیان.
Nicolas Pépé firma por dos temporadas, hasta junio de 2️⃣0️⃣2️⃣6️⃣ pic.twitter.com/T3FA2DqkEF
— Villarreal CF (@VillarrealCF) August 4, 2024
پێپێ کە هاوینی 2019 گواسترایەوە بۆ ئارسیناڵ، بڕی 79 ملیۆن یۆرۆ تێچووەکەی بوو کە ئەوە گرانترین گرێبەستی مێژووی گەنەرز بوو تا هاتنی دێکلان رایس. گۆڵکارە ئەفریقیەکە تا ساڵی 2023 لە گەنەرز مایەوە بەڵام نەیتوانی لە ئاستی تێچووی گواستنەوەکەیدابێت. هەر بۆیە بە خواستن نێردرایە ریزەکانی نیسی فەڕەنسی و پاشان وەک یاریزانی ئازاد بۆ ترابزۆن سپۆری تورکی.
گرێبەستی ناوبراو لەگەڵ ڤیاریاڵ وەک یاریزانی ئازاد بووە و، تا 2026 دەخایەنێ.
