موسا دیابی پەیوەندی بە خولی سعودییەوە دەکات

یاریگا –

موسا دیابی بە گرێبەستێکی درێژخایەن پەیوەندی بە ئیتحادی سعودیەوە دەکات.

دانوستانەکانی ئیتحادی سعودی لەگەڵ ئاستۆن ڤێلا دەستی پێکردووە و بەم زوانە موسا دیابی پەوەندی بە یانە سعودییەکە دەکات.

بەگوێرەی رۆژنامە سعودییەکان، بەڕێوەبەرانی ئیتیحاد و ئاستۆن ڤێلا گەیشتوونەتە رێککەوتن، بەپێی ئەو رێکەوتنە موسا دیابی فەرەنسی وەرزی داهاتوو لە خولی سعودیە یاری دەکات.

ئەستێره فەرەنسییەکه بۆ ماوەی پێنج وەرز و بە بڕی 55 ملیۆن یۆرۆ لەگەل ئیتیحاد گەیشتووەته رێککەوتن و چاوەروانی تەواوبوونی رێککەوتنەکەی نێوان ئیتیحاد و یانه ئینگلیزییەکە دەکات .

دیابی تەمەنی 25 ساڵە، هاوینی رابردوو پێش ئەوەی پەیوەندی بە ئەستۆن ڤێلاوە بکات، لەگەڵ نەسری سعودی گفتوگۆی کردبوو، بەڵام لە کۆتاییدا بەرەو ئینگلتەرا بەڕێ کەوت.

ئەم یاریزانە کە خاوەنی دە یاری نیشتمانییە، لە پاریس سانجێرمان و کرۆتۆن و بایەر لیڤەرکوزنیش یاری کردووە و پێدەچێت ئەستێرەی نوێی خولی سعودیە بێت.