🎥 | یاسایەكی خولی ئەمریكی لیۆ مێسی توڕە دەكات
یاریگا –
لیۆنێل مێسی، ئەفسانەی تۆپی پێی ئەرجەنتینی و یانەی ئینتەر مەیامی ئەمریكی رەخنە لە بەرپرسانی خولەكە دەگرێت، بەهۆی ئەوەی یاسایەكی سەیر لە پاڵەوانیەتیەكەدا جێبەجێ دەكەن.
بەرەبەیانی ئەمڕۆ مۆنتێریال لە یاریگای خۆیدا میوانداری ئینتەر مەیامی كرد و یارییەكەش بە ئەنجامی سێ گۆڵ بەرامبەر دوو گۆڵ لە بەرژەوەندی یانەی میوان كۆتایی هات.
لە یاساكەی خولی ئەمریكیدا، ئەگەر یاریزانێك بۆ وەرگرتنی چارەسەر بچێتە دەرەوەی یاریگا، ئەوا بۆ گەڕانەوەی بۆ ناو یاریگا پێوویستە دوو خولەك چاوەڕێ بكات.
Leo Messi: “With this type of rule…..we are doing badly.”
Leo was absolutely furious as the MLS has a rule that says a player who leaves the pitch with treatment has to wait exactly 2 minutes before being allowed to enter the pitch again.
— Leo Messi 🔟 Fan Club (@WeAreMessi) May 12, 2024
لە خولەكی 40ی یارییەكەدا لیۆنێل مێسی تووشی پێكان بوو، بۆ وەرگرتنی چارەسەر بردرایە دەرەوەی یاریگا و دواتر دوو خولەك چاوەڕوان بوو تا گەڕایەوە نێو یاریگا.
لە خولەكی 43 بەرامبەر كامێرا لیۆنێل مێسی رەخنە لەو یاسایە دەگرێت و گوتی:
بەمجۆرە یاسایانە، ئێمە بە ئاڕاستەیەكی هەڵەدا دەڕۆین.
بەپێی زانیارییەكانی دەیڵی مەیڵ، ئەم یاسایە بۆ ئەوە دانراوە كە یاریزانەكان بە پێكانی ساختە كات بەفیڕۆ نەدەن.
Lionel Messi fumes live on TV and talks directly to the camera as he's caught out by bizarre new MLS rule change https://t.co/Pzx0BfUhTI
— Mail Sport (@MailSport) May 12, 2024
ئینتەر مەیامی بە كۆكردنەوەی 27 خاڵ پێشەنگی ریزبەندی خولی ئەمریكای گرتووە.
