کۆتا هەڵوێستی بایەرن لەسەر موسیالا
یاریگا –
یانەی بایەرن میونخ کۆتا هەڵوێستی خۆی لەبارەی داهاتووی جەمال موسیالا خستووەتە ڕوو.
ماوەیەکە دەنگۆی ڕۆیشتنی لاوە ئەڵمانیەکە لە بایەرن بەرچاوترین دەنگۆیەکان بوو. بەڵام بایەرن دەنگوباسەکانی پێچەوانە کردووەتەوە و بەگوێرەی نوێترین زانیارییەکان باڤارییەکان ڕوون لە هەڵوێستەکەیان لەسەر پلانیان بۆ موسیالا و، لەو ڕووەوە فابریزۆ ڕۆمانۆ ئاشکرای کردووە کە هیچ نیازێکیان نییە لەم هاوینەی دێت گەوهەرەکەیان بفرۆشن.
🔴🇩🇪 FC Bayern remain clear on their plan for Jamal Musiala: no intention to sell their gem this summer.
New contract proposal to be submitted soon as it will include important salary increase + add-ons.
Top clubs in England and Spain keep following Jamal; but no talks now. pic.twitter.com/S9gogSNTxK
— Fabrizio Romano (@FabrizioRomano) April 18, 2024
رۆمانۆ ئەوەیشی ئاشکرا کردووە کە بایەرن لەپێناو قایلکردنی جەمال، بەم زووانە پێشنیاز دەخەنە بەردەمی بۆ نوێکردنەوەی گرێبەستەکەی و زیادکردنی مووچەکەیشی لەگەڵ گۆڕاکارییەکان.
هەر بەپێی زانیارییەکانی ئەو سەرچاوەیە، یانەکانی پریمەرلیگ و ئیسپانیایش بەردەوامن لە چاودێریکردنی جەمال، بەڵام هیچ گفتوگۆیەک لەو بارەیەوە ڕووی نەداوە.
