یاریگا –
لویس ئێنریكێ، راهێنەری ئیسپانی یانەی پاریس سانجێرمانی فەڕەنسی بە لێدوانێكی نوێ گومان لەسەر داهاتووی كیلیان ئێمباپێی فەڕەنسی و ئەستێرەی یەكەمی یانەكەی درووست دەكات.
وا بڕیارە ئەمڕۆ یەكشەممە كاتژمێر 21:45 بە كاتی كوردستان مارسیلیا لە یاریگای ڤێلۆدرۆم میوانداری پاریس سانجێرمان بكات، لە میانی كلاسیكۆی خولی فەڕەنسیدا.
🚨 Luis Enrique: “Last Classique tonight for Mbappé? Who said that?”.
“I keep my hope about Mbappé staying at PSG. He hasn't announced anything yet… he can change his mind, no?”.
“Imagine if we win four titles and Mbappé decides to stay at PSG… why not?”, told Prime Video. pic.twitter.com/VTu9ZwlAN5
— Fabrizio Romano (@FabrizioRomano) March 30, 2024
لە كۆنگرەی رۆژنامەوانی پێش یارییەكەیان بەرامبەر مارسیلیا ئێنریكێ لە وەڵامی پرسیاری كۆتا كلاسیكۆ بۆ ئێمباپێ، گووتی:
كێ ئەوەی گووت؟
من هیوای خۆم بۆ مانەوەی كیلیان ئێمباپێ لە پاریس سانجێرمان دەپارێزم، ئومێدم هەیە كە كیلیان بیرۆكەكەی بگۆڕێت، هێشتا هیچ شتێكی رانەگەیاندووە، بۆیە ئەگەری ئەوە هەیە بیروڕای خۆی بگۆڕێت.
بیهێنە بەرچاوت ئەگەر چوار نازناو ببەینەوە و ئێمباپێ بڕیاری مانەوە لە پاریس سانجێرمان بدات، بۆچی نا؟ چاوەڕێین بزانین لە داهاتوودا چی روودەدات.
لە ماوەی رابردوودا زۆربەی سەرچاوە باوەڕپێكراوەكان رێككەوتنی كۆتایی نێوان ریال مەدرید و كیلیان ئێمباپێیان راگەیاند.
