یاریگا –
راپۆرتە رۆژنامەوانیەكان وادەی گەڕانەوەی ئیدێر میلیتاوی بەڕازیلی و بەرگریكاری یانەی ریال مەدریدی ئیسپانیان ئاشكرا كرد.
لە سەرەتایی وەرز ئیدێر میلیتاو تووشی پچڕانی بەستەری ئەژنۆی بوو بەهۆیە ماوەی چەند مانگێكە لە یارییەكانی یانەكەی دابڕاوە.
🎯 Militão: Objetivo Mallorca
🙌 Abril puede ser un mes grande en la capital española: regresos de jugadores, la Champions…
🇧🇷 Madridistas… ¿ganas de ver al brasileño?
👉 https://t.co/9WakjB6MZX pic.twitter.com/LmPNWHUyGY
— Diario AS (@diarioas) March 28, 2024
رۆژنامەی ئاس، لە راپۆرتێكیدا وادەی گەڕانەوەی بەرگریكارەكەی ریال مەدریدی بۆ یاریگاكان ئاشكرا كرد.
رۆژنامەكە ئەوەی ئاشكرا كردووە، چاوەڕوان دەكرێت میلیتاو لە سێ یاری داهاتووی ریال مەدرید بەرامبەر ریال مایۆركا بگەڕێتەوە یاریگاكان.
لە راپۆرتەكەی رۆژنامە ئیسپانیەكەشدا هاتووە، كارلۆ ئانچێلۆتی ئیتاڵی و راهێنەری یانە شاهانەكە بۆ ئەوەی مەترسی لەسەر یاریزانەكە درووست نەكات، نایەوێت لە دوو یاری داهاتوو بەرامبەر ئاتلێتیك بلباو و مانچێستەر سیتی یاری بە بەرگریكارەكەی بكات.
چاوەڕوان دەكرێت رۆژی یەكشەممەی داهاتوو ریال مەدرید لە یاریگای سانتیاگۆ بێرنابیۆی تایبەت بە خۆی میوانداری ئاتلێتیك بلباو بكات.
