یاریگا –
ئۆلیڤیێ جیرۆی هێرشبەری ئەیسی میلان یەکەم گرێبەستی فەرمی لە دەرەوەی ئیتاڵیا پێگەیشت.
چەند رۆژێکە سەرچاوە جیاوازەکان باس لە گفتوگۆی نێوان لۆس ئانجلسی ئەمریکی و یاریزانە فەرەنسییەکەی دەکەن تا هاوینی دێت بیگوازنەوە خولی ئەمریکی.
ئەمرۆ فابریزیۆ رۆمانۆ زانیاریی وردتری بڵاو کردووەتەوە کە یانە ئەمریکییەکەی بە فەرمی ناوەڕۆکی گرێبەستێکیان بۆ گۆڵکەرەکەی رۆسۆنێری ناردووە تا هاوین وەک یاریزانی ئازاد بیگوازننەوە.
🚨🇺🇸 Understand LAFC have sent their formal contract proposal to Olivier Giroud to join as free agent.
Giroud also received higher proposals from other clubs, taking his time to decide but LAFC are favourites.
📲🇫🇷 Hugo Lloris, pushing for his friend Giroud to join him in MLS. pic.twitter.com/Tz5AhV0GR3
— Fabrizio Romano (@FabrizioRomano) March 25, 2024
ئەو رۆژنامەنووسە ئاشکارایشی کردووە کە یاریزانە ٣٧ ساڵانەکە لە یانەی جیاوازترەوە دەستپێشخەری پێگەیشتووە، دەیەوێت کاتی خۆی وەرگرتووە تا بڕیاری کۆتایی بدات، بەڵام لۆس ئانجلس دڵخوازترینیانە بە لای جیرۆوە.
فابریزیۆ ئەوەشی خستووەتە روو کە هوگۆ لۆریسی هاونیشتیمانی ئەستێرە بە ئەزموونەکەی میلان پاڵنەرە بۆ پەیوەندیکردنی جیرو بە خولی ئەمریکیەوە.
ناوبراو کە جیرۆ لە هاوینی 2021 بەبڕی 2.85 ملیۆن یۆرۆ لە چێڵسییەوە پەیوەندی بە میلان کرد، هاوین گرێبەستەکەی بەسەر دەچێت و هیچ ئاماژەیەکیش لە یانەکەیەوە دەرنەکەوتووە بۆ نوێکردنەوەی.
