چوار یانەی زلهێزی پرێمەرلیگ رۆدریگۆیان دەوێت
یاریگا –
راپۆرتە رۆژنامەوانیەكان ئاشكرایانكرد، چوار یانەی زلهێزی پرێمەرلیگ لە هەوڵی بەدەستهێنانی تواناكانی رۆدریگۆ گۆس، ئەستێرەی هەڵبژاردەی بەڕازیل و یانەی ریال مەدریدی ئیسپانیدان.
چاوەڕواندەكرێت لە گواستنەوەكانی هاوینی داهاتوودا كیلیان ئێمباپێ پەیوەندی بە ریزەكانی ریال مەدریدەوە بكات.
بەهاتنی ئێمباپێ پێگە و جێگای رۆدریگۆ لە پێكهاتەی سەرەكی یانە شاهانەكە مەترسی دەكەوێتە سەر و هەر بۆیە یانەكان لە هەوڵی بەدەستهێنانی واژۆی یاریزانەكەدان.
🚨 Arsenal, Liverpool, Manchester City and Manchester United are all keen on Rodrygo, and Real Madrid could be persuaded to negotiate if they receive an offer of £85m-plus.
(Source: Sport) pic.twitter.com/OcBBhhsOI9
— Transfer News Live (@DeadlineDayLive) March 22, 2024
بەپێی زانیارییەكانی رۆژنامەی سپۆرت، چەند یانەیەكی ئینگلیزی دەیانەوێت بەهای رۆدریگۆ بزانن و دەست بە دانوستان لەگەڵ ریال مەدرید سەبارەت بە گواستنەوەی بكەن.
هەمان سەرچاوە ئاشكرایكردووە، یانەكانیش بریتین لە لیڤەرپوول، ئارسیناڵ، مانچێستەر سیتی و مانچێستەر یونایتد.
لە راپۆرتەكەی سپۆرتیشدا هاتووە، ئەگەر ئۆفەرێك بە بەهای 85 ملیۆن یۆرۆ پێشكەش بكرێت، ئەگەر هەیە ریال مەدرید رازی بكرێت و دەستبەرداری ئەستێرەكەی ببێت.
لەم وەرزەی لالیگا رۆدریگۆ بەشداری لە سەرجەم یارییەكاندا كردووە و لە كۆی 29 یاری توانیویەتی هەشت گۆڵ بكات و شەش گۆڵیش درووست بكات.
