یاریگا –
حه‌سه‌ن توركی یاریده‌ده‌ی عیمام محه‌مه‌د ده‌بێته راهێنه‌ری هه‌ڵبژارده‌ی لاوانی عێراق دوای ئه‌وه‌ی ناوبراو له‌لایه‌ن فیفاوه بۆ ماوه‌ی شه‌ش مانگ سڕكرا.
سەرچاوەیەک به تۆڕی وه‌رزشی یاریگای راگه‌یاند، حه‌سه‌ن توركی یاریده‌ده‌ری عیماد محه‌مه‌د ئه‌ركی راهێنه‌رایه‌تی هه‌ڵبژارده‌ی عێراق بۆ پاڵه‌وانیه‌تی خۆرئاوای ئاسیای خوار 23 ساڵان له ئه‌ستۆ ده‌گریت.
ئەو سەرچاوەیە گوتیشی، دوێنی یه‌كشه‌مه توركی سه‌رپه‌رشتی مه‌شقه‌كانی هه‌ڵبژارده‌كه‌ی كردووه، هه‌رچه‌نده عیماد محه‌مه‌د له‌گه‌ڵ شاندی هه‌ڵبژارده‌ی عێراق ماوه، به‌ڵام ناچێته نێو مه‌شقی هه‌ڵبژارده‌كه و هه‌روه‌ها سه‌رپه‌رشتی هیچ كارێكی راسته‌وخۆی هه‌ڵبژارده‌كه ناكات.
هه‌ڵبژارده‌ی عێراق له جامی رۆژئاوای ئاسیا 20ی ئه‌م مانگه له سعودیه یه‌كه‌م یاریی خۆی به‌رامبه‌ر به هه‌ڵبژارده‌ی ئوسترالیا ئه‌نجام ده‌دات.
له ریزی لاوانی هه‌ڵبژارده‌ی عێراق هه‌ردوو یاریزانی كورد هه‌ڵگورد قه‌یس، یاریزانی یانه‌ی پێشمه‌رگه‌ی هه‌ولێر و مسته‌فا قابیل یاریزانی یانه‌ی هه‌ولێر یاریی ده‌كه‌ن.
