یانەکانی سعودیە ئۆفەرێکی گەورە پێشکەشی ئەستێرەکەیەکی بارسێلۆنا دەکەن

یاریگا –

بارسێلۆنا ئۆفەرێکی گەورەی بۆ دەستبەرداربوون لە رافینیا پێگەیشتووە.

رۆژنامەی سپۆرت بڵاویکردووەتەوە، یانەیەکی سعودی، ئۆفەرێکی گەورەی پێشکەشی بارسێلۆنا کردووە، تاوەکو رێگە بە چوونە دەرەوەی رافینیای بەرازیلی بدات.

هەرچەندە رافینیا یەکێکە لە یاریزانانی سەرەکی هەڵبژاردەی بەرازیل و لە لووتکەی ئاستی کاروانی وەرزشیدایە، بەڵام یانەکانی سعودیە وازی لێناهێنن و دەیانەوێت بیگوازنەوە خولی رۆشن.

لە راپۆرتەکەدا هاتووە، یەکێک لە یانەکانی هیلال، نەسڕ، ئیتیحاد و ئەهلی ئۆفەرەکەیان پێشکەشی بارسێلۆنا کردووە، بەبێ ئەوەی زانیاری زیاتر لەسەر ئۆفەرەکە ئاشکرا بکات.

🔴 Noticia SPORT

🇸🇦 Arabia Saudí vuelve a la carga por Raphinha

💵 En esta última semana, el Barça ha recibido una nueva oferta por el extremo brasileño

✍️ @joaquimpiera https://t.co/tCGCiIyLM9

— Diario SPORT (@sport) March 16, 2024

پێشتر چەند یانەیەکی پرێمەرلیگ چاودێری دۆخی رافینیایان دەکرد و بەهای ئەوکاتی بریتیبوو لە 80 ملیۆن یۆرۆ، بەڵام پێشبینی دەکرێت، ئۆفەری یانەکانی سعودیە بەرزتربێت.

رافینیا لە ساڵی 2022 لە لیدز یونایتدەوە بەبڕی 57 ملیۆن یۆرۆ پەیوەندی بە بارسێلۆناوە کرد و گرێبەستێکی بۆ ماوەی پێنج وەرز واژۆ کرد. مووچەی ساڵانەی لە بارسا دەگاتە 5.5 ملیۆن یۆرۆی تەواو، دوای بڕینی باج.

هەرچەندە دەستەی کارگێڕی یانەکە پێشتر دووپاتی لە مانەوەی رافینیا کردووە، بەڵام کێشەکانی دارایی بارسێلۆنا، رەنگە ناچاری بکات، رێگە بە چوونە دەرەوەی ئەستێرە بەرازیلییەکە بدرێت.