یاریگا –
ڕووبەڕوو بوونەوەکەی دوێنێ شەوی نێوان ئارسیناڵ و پۆرتۆ بە دەرفەت زانراوە لەلایەن چەند یانەیەکی ئەورووپیەوە بۆ تەماشا کردن و هەڵسەنگاندنی یاریزانێکی پۆرتۆ.
بە گوێرەی زانیارییەکانی فاریزۆ رۆمانۆ، شەوی رابردوو لە یاریگای ئیمارات چەند یانەیەکەی ئەورووپی بوونیان هەبووە بۆ لە نزیکەوە تەماشاکردنی ئالان ڤارێلا.
🇦🇷 Several European top clubs were in attendance at Emirates Stadium on Tuesday to keep close eye on Alan Varela.
Argentine midfielder, on the list of many clubs from Premier League and not only.
Release clause: around €70m. pic.twitter.com/ynuHIOLgPZ
— Fabrizio Romano (@FabrizioRomano) March 13, 2024
ئەو رۆژنامەنووسە ئیتاڵیا ئاشکرای کردووە کە ناوەڕاستکارە ئەرجەنتینیەکە لە لیستی زۆرێک لە یانەکانی پریمەرلیگ و چەند یانەیەکی خولەکانی دیکەیشە.
رۆمانۆ نووسیویەتی کە نرخی هەڵوەشاندنەوەی گرێبەستی ئالان ٧٠ ملیۆن یۆرۆیە.
ڤارێلا کە بە خاڤێر ماسکیرانۆی نوێ ناسراوە، تەمەنی ٢٢ ساڵە و هاوینی ڕابردوو بە بڕی هەشت ملیۆن یۆرۆ لە بۆکا جونیۆرزی وڵاتەکەیەوە گواسترایەوە بۆ پۆرتۆ.
زۆرترینی ئەو یانانەی ناوی ئەستێرە ئەرجەنتینیەکەی پێوە بەستراوە، یانەی لیڤەرپوڵی ئینگلیزیە کە وەک بەهێزترین ڕکابەر دادەنرێت بۆ گواستنەوەی.
