یاریگا –
لێدوانەكانی كارلۆ ئانچێلۆتی ئیتاڵی و راهێنەری یانەی ریال مەدریدی ئیسپانی دوای بردنەوەكەیان بەرامبەر سێلتا ڤیگۆ.
شەوی رابردوو ریال مەدرید لە یاریگای سانتیاگۆ بێرنابیۆی تایبەت بە خۆی میوانداری سێلتا ڤیگۆی كرد و یارییەكەشی بە ئەنجامی چوار گۆڵی بێ وەڵام لێ بردەوە ، لە میانی یارییەكانی هەفتەی 28ی لالیگای ئیسپانیا.
🏁 @RealMadrid 4-0 @RCCelta
⚽ 21' @vinijr
⚽ 79' Vicente Guaita (p.p.)
⚽ 88' Carlos Domínguez (p.p.)
⚽ 90'+4' @10ardaguler#RealMadridCelta | #Emirates pic.twitter.com/9mDRt40MZg— Real Madrid C.F. (@realmadrid) March 10, 2024
لە لێدوانەكانی دوای یارییەكەدا كارلۆ ئانچێلۆتی گوتی:
پێموایە مۆدریچ شایەنی چەپڵەیە، ئەمڕۆ یارییەكی زۆر تەواوی كرد، وە هەروەها كاماڤینگاش بۆیە هاندەران چەپڵەیان بۆ لێدا.
دەربارەی لێدوانەكانی رۆدری لەسەر جیاوازی لالیگا و پرێمەرلیگ كارلۆ گوتی:
بەڵێ جیاوازی هەیە، مەرج نیە ئەمە بەو مانایە بێت كە یەكیان لەوی تریان باشتر بێت، لەسەر ئاستی تاكتیك خولی ئیسپانی زۆر باشترە لە خولی ئینگلیزی، بەڵام ئەگەر باسی چڕی و خێرایی بكەین پرێمەرلیگ باشترە، بەڵام ئیسپانیەكان كوالێتی تاكتیكی زیاتریان هەیە.
دەربارەی براهیم دیاز گوتی:
نازانم كوێ هەڵدەبژێرێت و یاری بۆ كێ دەكات، ئیسپانیا یاریزانی زۆر باشی هەیە و هەڵبژاردنی لیستێك قورس دەبێت، بەڵام نازانم بڕیار لەسەر چی دەدات.
دەربارەی ئاردا گولەر كارلۆ ئانچێلۆتی گوتی:
زۆر كەم یاری كرد، تەنیا چەند خولەكێك بوو، بەڵام بڕوای بەوە هەبوو كە دەیتوانی شتێك بكات، ئەم دەسكەوتە ئاسان نەبوو، بەهرەیەكی گەورەی هەیە و رۆژانە دەیبینین و قسەی لەگەڵ دەكەین، لێرە داهاتوویەكی دەبێت.
ریال مەدرید بە كۆكردنەوەی 69 خاڵ لە پێشەنگی ریزبەندی لالیگا دێت.
