یاریگا –
مایکڵ ئێدواردس، بەڕێوەبەری وەرزشی پێشووی لیڤەرپوول نزیکە لە گەڕانەوە بۆ پۆستەکەی.
تۆڕی هەواڵی تۆک سپۆرت بڵاویکردووەتەوە، ئێدواردس لەسەر داوای خاوەنانی لیڤەرپوول، نزیکە لە گەڕانەوە بۆ ئانفیڵد و لە ماوەی رابردوو، کۆبوونەوەی راستەوخۆی لەگەڵ گروپی کۆمپانیاکانی فێنوەی سپۆرتس کردووە.
ئێدواردس لەگەڵ مایک گۆردن، سەرۆکی فێنوەی سپۆرتس گروپ و یۆرگن کڵۆپ، راهێنەری یانەکە، چەندین یاریزانی گەورەیان گواستەوە لیڤەرپوول.
ئێدواردس لە هاوینی ساڵی 2022 لیڤەرپوولی جێهێشت و جولیان وارد، شوێنی گرتەوە، بەڵام لە نۆڤێمبەر/تشرینی دووەمی هەمان ساڵ، دەستی لە کارکێشایەوە.
تۆک سپۆرت بڵاویکردووەتەوە، ئێدواردس لە بۆستن، ویلایەتە یەکگرتووەکانی ئەمریکا لەگەڵ بەرپرسانی باڵای فێنوەی سپۆرتس کۆبووەتەوە و باسیان لە وردەکارییەکانی گەڕانەوەی کردووە.
مایکڵ ئێدواردس لە ساڵی 2011 پەیوەندی بە لیڤەرپوول کرد و لە ساڵی 2016 بووە بەڕێوەبەری وەرزشی یانەکەی مێرسیساید. لەگەڵ کڵۆپ نازناوی زۆریان بردەوە و چەندین یاریزانی شاراوەشی گواستەوە.
