یاریگا –
راپۆرتە رۆژنامەوانیەكان ئاشكرایانكرد، زینەدین زیدانی فەڕەنسی و راهێنەری پێشووی یانەی ریال مەدریدی ئیسپانی تەنیا ئامادەیە پۆستی راهێنەرایەتیكردنی سێ شوێن وەربگرێت.
زیدان لە ساڵی 2021 وازهێنانی خۆی لە پۆستی ڕاهێنەرایەتیكردنی ریال مەدرید راگەیاند و لەو كاتەوە پۆستی ڕاهێنەرایەتیكردنی هیچ یانەیەكی دیكەی وەرنەگرتووە.
زیزۆ لەگەڵ ریال مەدرید سەركەوتوو بوو بە جۆرێك توانی سێ چامپیۆنزلیگی لەسەر یەك بۆ یانە شاهانەكە بەدەست بهێنێت.
🚨 Zinedine Zidane will reject the chance to manage Manchester United should he get offered the job.
(Source: RMC Sport) pic.twitter.com/y6CR8IkMay
— Transfer News Live (@DeadlineDayLive) March 1, 2024
لە ماوەی رابردوودا زۆربەی سەرچاوەكان باسیان لەوە دەكرد، زیدان خەونی گەورەی سێر جیم راتكلیفە و دەیەوێت وەك راهێنەری نوێی مانچێستەر یونایتد دیاری بكات، بەڵام هەر زوو راهێنەرەكە ئەوەی رەتكردووەتەوە.
🗣️ Thomas Gravesen: “I asked Zidane two years ago if he was going to coach again, he told me there’s only three roles that he would like to accept — Marseille, Madrid and France national team.” @discoveryplus pic.twitter.com/jFt6NhA8Yw
— Madrid Zone (@theMadridZone) March 1, 2024
تۆماس گرافسن، یاریزانی پێشووی ریال مەدرید لە لێدوانێكیدا بۆ رۆژنامەی دەیلی مەیل گوتی:
دوو ساڵ پێش ئێستا لەگەڵ زیدان قسمەكرد و پێی گوتم تەنیا سێ پۆست هەیە كە حەز دەكات راهێنەرایەتیكردنیان قبوڵ بكات.
ئەوانیش راهێنەرایەتیكردنی مارسێلیا، هەڵبژاردەی فەڕەنسا و ریال مەدریدە، دوو ساڵ پێش ئێستا لە مەدرید بووین و بە تەواوی پێی گوتم.
پرسیارم لێكرد كە ئایا ئامادەیە جارێكی دیكە بگەڕێتەوە بۆ راهێنەرایەتیكردن، و لە وەڵامدا گوتی:
تەنیا بۆ وەرگرتنی پۆستی راهێنەرایەتیكردنی ئەو سێ شوێنە ئەگەری هەیە.
زیدان وەك راهێنەر لەگەڵ ریال مەدرید توانیویەتی نازناوەكانی ( 3 چامپیۆنزلیگ، 2 جامی جیهانی یانەكان، 2 لالیگا، 2 سوپەری ئەوروپا، 2 جامی شا) بباتەوە.
