یاریگا –
ریال مەدرید ریکۆردێکی نوێی مێژووی بۆ تۆمارەکەی زیاد کرد.
لە یاری شەوی رابردووی گەڕی 26ی لالیگا لە نێوان ریال مەدرید و سێڤییا، بە هۆی رەتکردنەوەی گۆڵێکی لۆس بلانکۆس، یانە ئیسپانییەکە ریکۆردێکی نوێی تۆمار کرد.
لوکاس ڤاسکێز لە خولەکی دەیەمدا، گۆڵی پێشکەوتنی بۆ مەدرید کرد، بەڵام ناوبژیوانی یارییەکە دوای سەیرکردنەوەی گرتەکە بە یارمەتی ڤار، گۆڵەکەی بە بیانووی جووڵەیەکی توندی ناچۆ فێرناندێز لە بەرامبەر هێرشبەرێکی سێڤییا، گۆلەکەی رەتکردەوە.
تاوەکو ئێستا ریال مەدرید 25 گۆڵی بە ڤار رەتکراوەتەوە، ئەمەش بەرزترین ژمارەی گۆڵە لە مێژووی لالیگا کە بە ڤار رەتکرابنەوە.
El Madrid es el PRIMER equipo en TODA la HISTORIA que alcanza las 60 intervenciones del VAR para modificar una decisión inicial que le beneficiaba.
El Madrid es el PRIMER equipo en TODA la HISTORIA que supera los 25 goles anulados tras intervención del VAR en LaLiga. pic.twitter.com/hVOXyMjYUn
— Fran Martínez (@LaLigaenDirecto) February 25, 2024
لە دوای رووداوەکە، کارلۆ ئانچێلۆتی، راهێنەری ریال مەدرید ناڕەزایەتییەکی زۆری دەربڕی و کارتێکی زەردی وەرگرت.
فران مارتینێز، رۆژنامەنووس لە تۆڕی رێلێڤۆ بڵاویکردووەتەوە، تاوەکو ئێستا ناوبژیوان 60 بڕیاری بە ڤار لە بەرامبەر ریال مەدرید گۆڕیوە.
لوکا مۆدریچ لە دوای هاتنە ناوەوە بە شەش خولەک، تاکە گۆڵی یارییەکە بە لێدانێکی بەهێز کرد، سێ خاڵی گرنگی بەخشییە کەتیبەکەی ئانچێلۆتی.
