یانەكانی سعودیە دی برۆینیان دەوێت
یاریگا –
راپۆرتە رۆژنامەوانیەكان زانیاری نوێیان سەبارەت بە داهاتووی كێڤن دی برۆینی بەلجیكی و ئەستێرەی یانەی مانچێستەر سیتی ئینگلیزی ئاشكرا كرد.
گرێبەستەكەی دی برۆین لەگەڵ مانچێستەر سیتی لە هاوینی ساڵی 2025 بەسەردەچێت.
Saudi clubs prepare big-money bid for Kevin De Bruynehttps://t.co/JhhPFksyF8
— Paul Hirst (@hirstclass) February 23, 2024
بەپێی زانیارییەكانی رۆژنامەی تایمز چوار یانەی گەورەی سعودیە هەوڵی بەدەستهێنانی واژۆی كێڤن دی برۆین دەدەن.
بەپێی زانیارییەكانی هەمان سەرچاوە، یانەكانیش بریتین لە هیلال، نەسر، ئیتیحاد و ئەهلی.
هەمان سەرچاوە ئاشكرایكردووە، لە گواستنەوەكانی هاوینەدا هەر چوار یانەكەی گۆڵدروستكارە بەلجیكیەكە لە پێشینەی خواستەكانیان دادەنێن.
لەم وەرزەدا دی برۆین لە 10 یاریدا لە سەرجەم پاڵەوانیەتیەكاندا بەشداری كردووە و توانیویەتی هەشت گۆڵ درووست بكات و دوو گۆڵیش بكات.
