لاوتارۆ: نزیك بووم لەوەی پەیوەندی بە ئاتلێتیكۆ مەدرید بكەم
یاریگا –
لاوتارۆ مارتینێز، هێرشبەری ئەرجەنتینی یانەی ئینتەر میلانی ئیتاڵی باس لە یارییەكەیان بەرامبەر ئاتلێتیكۆ مەدرید دەكات.
شەوی رابردوو ئینتەر میلان لە یاریگای جیۆزێپی میازای تایبەت بە خۆی میوانداری ئاتلێتیكۆ مەدریدی كرد و یارییەكەش بە گۆڵێكی بێ وەڵام لە بەرژەوەندی خاوەن ماڵ كۆتایی هات.
تاكە گۆڵەكەی ئینتەر لەلایەن ماركۆ ئارناتۆڤیچ لە خولەكی 79 یارییەكەدا تۆمار كرا.
Casa nostra in vantaggio ✅ #ForzaInter #UCL #InterAtleticoMadrid pic.twitter.com/ynJcugSRfL
— Inter (@Inter) February 20, 2024
لە دوای یارییەكە لاوتارۆ مارتینێز گوتی:
یارییەکی گرنگ بوو بۆ ئێمە، ناچار بووین هەوڵبدەین ئەنجامێکی ئەرێنی بەدەستبهێنین، هەروەها دەمانتوانی گۆڵی زیاتر تۆماربکەین، بەڵام گرنگ ئەوەیە توانیمان جیاوازی درووستبكەین.
ئارناوتۆڤیچ یاریزانێكی بە ئەزموونە و كاروانێكی نایابی هەبووە، نەك وەك كاپتن بەڵكو وەك هاوڕێیەك، تەنیا پێم دەگوت كە پێوویستە ئارام بێت.
بەردەوام بوو گوتیشی:
ئێمە گەشە دەکەین و بەرەو پێشەوە دەچین، ئەم گروپە زۆر باشە و زۆر دڵخۆشم کە لێرەم، لە ساڵی رابردووەوە گۆڕانکاری زۆرمان بەسەردا هاتووە و یاریزانە نوێیەکان بە باشی خۆیان دەگونجێنن، دەبێت بەم شێوەیە بەردەوام بین.
دەربارەی ئاتلێتیكۆ مەدرید گوتی:
لە ساڵی 2018 زۆر نزیك بووم لەوەی گرێبەست لەگەل ئاتلێتیكۆ مەدرید واژۆ بكەم، بەڵام ئەوە رووینەدا و هاتمە ئێرە، زۆر دڵخۆشم بەوەی شتەكە بەمشێوەیە و لە ئینتەر میلان كۆتایی هات، من شەش ساڵە لێرەم و بەڕاستی دڵخۆشم.
چاوەڕوان دەكرێت رۆژی 13مانگی داهاتوو ئاتلێتیكۆ مەدرید لە یاریگای واندا میترۆپۆلیتانۆی تایبەت بە خۆی میوانداری ئینتەر میلان بكات، لە میانی یاری گەڕانەوەی قۆناخی شازدەی خولی یانە پاڵەوانەكانی ئەوروپا.
